БИШКЕК, 16-май — Sputnik. Бишкектин "Орто-Сай" базарынан жардыруучу зат изделип жатат. Бул тууралуу Sputnik Кыргызстан агенттигине күбө билдирди.
Анын айтымында, саат 13.00дөрдө базар курчоого алынып, сатуучулар менен кардарлар сыртка чыгарылган.
УКМК жардыруучу зат изделип жатканын ырастады. 102 номерине чакыруу саат 12:30да келип түшкөн. Телефон чалган адам белгисиз киши бомба коюлганы тууралуу айтып, качып кеткенин билдирген. УКМКнын кызматкерлери аталган дарекке жөнөп кетишти.
Буга чейин Bishkek Park соода борборуна жана Бишкектеги Борбор Азиядагы Америка университетинин имаратына жарылуучу зат коюлганы тууралуу айтылып, эл менен укук коргоо органдарынын кызматкерлерин бир топ убара кылган.
