Аксы: кыргызстандык 34 жаштагы тургун өзбек чек арачыларынын огунан каза тапты

Жазылуу
Ушу тапта окуянын чоо-жайын тактоо үчүн Кыргызстан менен Өзбекстандын Чек ара кызматтарынын өкүлдөрү жолугуп, сүйлөшүүлөрдү өткөрүп жатат

БИШКЕК, 7-апр. — Sputnik. Жалал-Абаддын Аксы районундагы Мамай аймагында кыргызстандык тургун өзбек чек арачыларынын огунан каза тапканын Мамлекеттик чек ара кызматы билдирди.

Маалыматка ылайык, 34 жаштагы Ф.М. аттуу эркек киши Кербен шаар аймагына караштуу Курулуш айылынын жашоочусу болгон. Мамай айылына бара жаткан маалда чек арачыларга кабылган.

"Алган жаракатынан Ф.М. Кербен шаарындагы ооруканада көз жумду", — деп айтылат маалыматта.

Ушу тапта окуянын чоо-жайын тактоо үчүн Кыргызстан менен Өзбекстандын Чек ара кызматтарынын өкүлдөрү жолугуп, сүйлөшүүлөрдү өткөрүп жатат.

Эскерте кетсек, ушул жуманын башында Баткенде кыргыз-тажик чек арасында да жаңжал чыгып, эки эл бири-бирин ташка алганы айтылган.

Жаңылыктар түрмөгү
0