БИШКЕК, 26-мар. — Sputnik. Ош шаарында чоң эне өз небересин 20 миң сомго сатып жаткан жеринен кармалды. Бул тууралуу ИИМдин маалымат кызматынан кабарлашты.
Билдирмеге караганда, ымыркайдын төрөлгөнүнө бир ай дагы боло элек.
"Күч кызматкерлерине белгисиз аял өз небересин сатууга аракет кылып жатканы тууралуу маалымат келип түшкөн. Ыкчам иликтөө иштеринин алкагында 59 жаштагы аял небереси үчүн 20 миң сом алгандан кийин колго түшүрүлдү. Ал акчаны алар замат сатып алуучуга ымыркайды таштаган", — деп айтылат маалыматта.
Учурда аталган факты боюнча Кылмыш жаза кодексинин 124-беренеси (адам сатуу) боюнча кылмыш иши козголуп, кармалган аял убактылуу кармоочу жайга киргизилди.
Ал эми ымыркай социалдык кызматкерлердин колуна өткөрүлүп берилди.
