БИШКЕК, 19-фев. — Sputnik. Аламүдүн районунун Восток айылындагы мал фермада иштеген аял төрөп, баласын баштыкка салып, дивандын алдына катып койгон. Бул тууралуу ӨКМдин маалымат кызматынан билдиришти.
Маалыматка караганда, мындай кабар ӨКМ куткаруучуларына "112" кызматы аркылуу жергиликтүү тургундан түшкөн.
"19-февралга караган түнү саат 1.30дар чамасында куткаруучулар Восток айылынын "Александр" мал багуу фермасына барышкан. Бирок ага чейин эле РИИБ кызматкерлери аялды жана ымыркайдын сөөгүн ооруканага алып кетишиптир", — деп айтылат билдирүүдө.
Белгилүү болгондой, фермада иштеген 32 жаштагы келин өзү төрөп, баланы баштыкка салып, дивандын астына катып салган. Ымыркай баштыкка салганга чейин чарчаганбы же андай кийинби, азырынча аныктала элек.
Окуянын чоо-жайы такталууда.
