23:38 20 Аяк оона 2019
Түз эфир
  • USD69.8317
  • EUR77.1501
  • RUB1.0937
Мурдагы депутат Жусупали Исаевдин архивдик сүрөтү

Экс-депутат Исаев жол кырсыктан каза болду

© Фото / пресс-служба Жогорку Кенеша
Окуялар
Кыскача шилтеме алуу
2018-жылы Кыргызстанда катталган жол кырсыктары (382)
210501

Мурдагы эл өкүлүнүн машинасы КамАЗга урунган. Алдын ала маалымат боюнча жол кырсыгы тумандан улам болгон.

БИШКЕК, 18-фев. — Sputnik. Мурдагы депутат Жусупали Исаев Баткенде жол кырсыгынан каза болгонун өкмөттүн Баткен облусундагы ыйгарым укуктуу өкүлү Абиш Халмурзаев Sputnik Кыргызстан агенттигине билдирди.

Анын айтымында, жол кырсыгы 18-февралдын түнүндө Ош — Исфана жолунда болгон.

"Эл өкүлүнүн машинасы жол четинде бузулуп турган жүк ташуучу автоунаага урунган. Жол жакшы көрүнбөй бороон болуп, коюу туман түшкөн. Бул аймакты дайыма туман басып турат. Маркумдун туугандары сөөктү Исфанага алып кетишти", — деди Халмурзаев.

ИИМдин Жол кыймылы коопсуздугун камсыздоо башкы башкармалыгынын маалымат кызматы жол кырсыгы болгонун тастыктады. Милициянын маалыматына ылайык, жол кырсыгы түнкү саат 12:00дөр чамасында Баткен облусундагы Ош — Исфана жолунун 290-чакырымында болгон.

Экс-депутат Range Rover автоунаасын айдап бараткан. Ал тумандан улам жолду жакшы көрбөй жол четинде турган КамАЗга урунган. Ал ооруканага алып баратканда үзүлгөн. Милиция жол кырсыгынын чоо-жайын иликтеп жатат.

Жусупали Исаев Жогорку Кеңештин V чакырылышында КСДП партиясынын депутат болуп, транспорт, коммуникация, архитектура жана курулуш комитетин жетектеген.

Тема:
2018-жылы Кыргызстанда катталган жол кырсыктары (382)

Тема боюнча

Үч жылда Бишкекте жол кырсыгынан "Тазалыктын" 6 кызматкери каза болгон
Бир жумада өлкө аймагында 21 миңден ашык жол эрежеси бузулган
Жол кире акысы боюнча мэр Ибраимов үн катты
Белгилер:
жол кырсыгы, депутат, Жусупали Исаев

ЭҢ МААНИЛҮҮ