22:55 25 Жалган Куран 2019
Түз эфир
  • USD69.7441
  • EUR78.9154
  • RUB1.0813
Түрмө. Архивдик сүрөт

Киргшелктогу үч аялдын өлүмү. Кылмышка шектүү абактан качууга аракет кылган

© Sputnik / Олег Пашук
Окуялар
Кыскача шилтеме алуу
574 0 0

Киргшелктогу үч аялдын өлүмүнө шектүүлөрдүн бири буга чейин абакта отуруп, ал жактан да качып кетүүгө аракет кылган. Эми сотто эки иш бир каралмакчы.

БИШКЕК, 3-июл. — Sputnik. Чүй облусуна караштуу Киргшелктогу үч аялдын өлүмү боюнча сот иши токтотулду. Бул тууралуу Sputnik Кыргызстан агенттигине Бишкектин Биринчи Май райондук сотунун маалымат кызматы кабарлады.

2016-жылдын 24-март күнү милиция кызматкерлери Киргшелк кыштагында 59 жаштагы үй кожойкеси, 56 жаштагы анын сиңдиси жана 25 жаштагы кош бойлуу кызынын бычакталган денесин табышкан. Ошол эле күнү Ысык-Ата райондук ички иштер башкармалыгы Кылмыш жаза кодексинин 97- беренеси (адам өлтүрүү) боюнча кылмыш ишин козгогон.

Ошол жылдын 11-майында милиция кызматкерлери кылмышка шектүү деп Ысык-Ата районунун 21 жаштагы тургунун кармап, убактылуу кармоочу жайга киргизген. Кийинчерээк 18 жана 20 жаштагы ошол эле райондун жашоочуларын жана 18 жаштагы Ысык-Көл облусунун тургунун кармашкан.

16-май күнү Facebook түйүнүнүн колдонуучусу Александра Алтунина кылмышка шектүү эки жаран өлтүрүлгөн аялдар менен кошуна жашаганын жазып чыккан. Алтунина окуядан кийин өлтүрүлгөн аялдардын биринин жолдошу да күйүтүнө чыдабай көз жумганын кошумчалап кеткен

Бүгүн, 3-июлда Биринчи Май райондук соту ишти токтотуп эки ишти бир карамай болду. Белгилүү болгондой кылмышка шектелип жаткандардын бири 2015-жылы соттолуп, өспүрүмдөрдүн түрмөсүнөн качып кетүүгө аракет кылган. Ошол эле жылдын жаз айында шектүү жана аны менен абакта отурган эки адам качууга аракет кылган. Бирок жаза аткаруу кызматкерлери тарабынан кармалышкан.

Аталган факты боюнча кылмыш иши жыйынтыкталып, иш сотко өткөрүлдү. Сот Айбек Эрнис уулу эки ишти бир кароо бүтүмүн чыгарган. Кийинки соттук отурумдун убактысы азырынча билине элек.

Тема боюнча

ИИМ: Киргшелктогу үч аялдын өлүмүнө шектелип бештен ашык киши кармалды
Киргшелкто киши колдуу болгон үч аялдын бирөөсүнүн күйөөсү өзүнүн жанын кыйды
Ысык-Ата районундагы Киргшелкто үй күйүп, 70 жаштардагы кемпирдин сөөгү табылды
Белгилер:
кылмыш, сот, адам өлтүрүү, Чүй облусу

ЭҢ МААНИЛҮҮ