Ырчы Жайнаковага мас абалында рулга отурганы үчүн дагы 20 миң сом айып салынды

© Sputnik / Алексей Мальгавко / Медиабанкка өтүүРабота автосалонов в Омске
Работа автосалонов в Омске - Sputnik Кыргызстан
Жазылуу
Өкүм акыркы чечим эмес, нааразы тарап аппеляциялык тартипте даттанууга укуктуу.

БИШКЕК, 15-мар. — Sputnik. Милициянын кашын жара тепкен ырчы Алтынай Жайнакова рулга мас абалында отурганы үчүн кошумча 20 миң сом айып салынганын Ош облустук сотунун маалымат катчысы Бекзат Осмонкулов билдирди.

Сот отуруму 13-мартта өтүп, ырчы бийлик өкүлүнө карата күч колдонгондугу үчүн 30 миң сом айыпка жыгылган.

"Жайнакова милиция кызматкеринин кашын жара тепкендиги үчүн 30 миң сом айыпка жыгылса, рулга мас абалында отурганы үчүн 20 миң сом кошумча айып салынды. Өкүм акыркы чечим эмес, нааразы тарап аппеляциялык тартипте даттанууга укуктуу", — деди Осмонкулов.

Мас абалында милиция кызматкеринин чекесин жара тепти делген ырчы кыз Алтынай Жайнакованын архивдик сүрөтү - Sputnik Кыргызстан
Алтынай Жайнакова: милиция кызматкерлери мени шылдыңга алып кордошту
Эскерте кетсек, 13-январга караган түнү саат 02.10дор чамасында Ош шаарынын Кайгуул милициясы шаардын Масалиев жана Абдыкадыров кѳчѳлѳрүнүн кесилишинде Honda Accord үлгүсүндѳгү автомашинаны алыскы чырактарын жандырып келе жаткан учурда токтоткон. Окуядан чыр чыгып, айдоочу кыз милиция кызматкеринин чекесин жара тепкен.

Айдоочу Алтынай Нематилла кызы убактылуу камакка алынып, 14-январда Ош шаардык соту аны үй камагына чыгарган. Буга чейин ырчы кызга Кылмыш жаза кодексинин 234-беренесинин 3-бөлүмү (бийлик өкүлүнө каршылык көрсөтүү, бейбаштык) менен иш козголгону маалымдалган болчу.

Жаңылыктар түрмөгү
0