БИШКЕК, 13-фев. — Sputnik. Чүй облусунда алтынчы класстагы кыздын сабалышы боюнча Билим берүү жана илим министрлиги атайын комиссия түздү. Бул тууралуу министрликтин маалымат кызматынан кабарлашты.
Окуя Москва районунун Ак-Суу айылында катталган. Айрым ЖМК өкүлдөрү кыз классташтары тарабынан сабалгандыгын маалымдашкан.
"Комиссия түзүмүнө министрликтин, Бишкек шаардык жана облустук билим берүү бөлүмдөрүнүн өкүлдөрү кирди. Аларга окуянын келип чыгуу себебин так иликтеп чыгуу жана мектепте тарбиялык иштерди жүргүзүү тапшырмасы берилди", — деп жазылат маалыматта.
Ошондой эле Билим берүү жана илим министрлиги Ички иштер министрлиги менен биргеликте мектептердеги тартип бузуу, кылмыш, зордук-зомбулукту алдын-алуу үчүн атайын жумушчу топ түздү.
