БИШКЕК, 22-июл. — Sputnik. Кыргызстандын Улуттук банкы коммерциялык банктарга кредиттерди төлөө мөөнөтүн дагы үч айга жылдырууну сунуштады. Бул тууралуу Эркин Асрандиев брифинг учурунда билдирди.
Вице-премьер жазында коммерциялык банктар өзгөчө абал режими киргизилгенине байланыштуу насыя төлөө мөөнөтүн үч айга узартканын эске салды. Мындай жеңилдикти 76 миллиард сом насыясы бар 154 миң тарап колдонгон. Бул өлкөдө кредитке берилген сумманын жарымын түзөт.
"Жакында эле Улуттук банк кредиттердин пайыздарын жана негизги суммасын төлөө мөөнөтүн дагы үч айга жылдырууну сунуштоо чечимин кабыл алды", — деди Асрандиев.
Өкмөт коммерциялык банктарга 4,2 млрд сом бөлдү. Программанын максаты
Ошондой эле ал эгер банк мөөнөтүн жылдыруудан баш тартса жарандар Улуттук банктын кабылдамасына кайрылып, же телефон аркылуу жооп ала аларын айтты. Вице-премьер башкы банк ар бир учурду териштирип чыгарын белгиледи.
