БИШКЕК, 8-сен. — Sputnik. Дүйнөлүк көчмөндөр оюндарын өткөрүү үчүн демөөрчүлөрдөн 3 миллион доллар чогулган. Бул тууралуу президенттин аппарат жетекчисинин орун басары Сапар Исаков Чолпон-Атадагы маалымат жыйында билдирди.
"Кеткен каражаттар тууралуу кенен маалымат беребиз. Алдын ала маалыматтар боюнча Көчмөндөр оюндарына демөөрчүлөрдөн 3 миллион доллар чогулган", — деди Исаков.
Эскерте кетсек, 3-8-сентябрь күндөрү Ысык-Көл облусунда Дүйнөлүк көчмөндөрдүн экинчи оюну өттү.
Sputnik Кыргызстан маалымат агенттиги жана радиосу Дүйнөлүк көчмөндөр оюндарынын расмий медиа өнөктөшү.
