10:23 18 Аяк оона 2019
Түз эфир
  • USD69.7942
  • EUR76.9027
  • RUB1.0885
Маданият

Сүйүү ыры менен адыр ашкан махабат. Данияр менен Жамийланын таберик сүрөтү

Кыскача шилтеме алуу
Мирбек Сакенов
"Таберик сүрөт" — сейрек кездешкен ирмемдер (79)
976 0 0
СССРдин мамлекеттик сыйлыгынын лауреаты, актриса Наталья Аринбасарова менен СССРдин Эл артисти Сүймөнкүл Чокморов. Архив
© Sputnik / РИА Новости

Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндоону улантат.

СССРдин мамлекеттик сыйлыгынын лауреаты, актриса Наталья Аринбасарова менен СССРдин Эл артисти Сүймөнкүл Чокморовдун сүрөтү 1969-жылы тартылган.

Ал жылы Чыңгыз Айтматовдун чыгармасынын негизинде "Жамийла" тасмасын режиссер Ирина Поплавская тарткан. Анда Жамийланын образын Наталья Аринбасарова, Даниярдыкын Сүймөнкул Чокморов, Сейиттикин Назирет Дубашев жараткан.

Согуш маалындагы кыйын кезеңди, сүйүүнү чагылдырган фильмде башкы ролду ойногон Наталья Аринбасарова ошол учурду мындайча эскерет:

Советская и российская актриса театра и кино, заслуженная артистка РСФСР Наталья Аринбасарова в Бишкеке
© Sputnik / Табылды Кадырбеков
Наталья Аринбасарова: Чокморов адамгерчиликтүү, иштин майын чыгарган, кино үчүн жаралган инсан эле. Өмүрү узун болгондо көптөгөн фильмде тартылмак

"Тасманын көпчүлүк бөлүгү Ысык-Көл облусундагы Кажы-Сай айылында тартылган. Мен ал кезде Москвадагы Сергей Герасимов атындагы мамлекеттик кинематография институтунда окуп жүргөм. Ага чейин бир катар фильмдерге тартылып калгам, режиссер Поплавская өзү чакырткан. Ал эми Чокморовду ооруканадан алып кеткенибиз. Көрсө ал кургак учук менен ооруп жүргөн кези экен. Саламаттыгы начар экенине карабай ийнине жеткире ойногон. Аябай адамгерчиликтүү, иштин майын чыгарган, кино үчүн жаралган инсан эле. Кийин дагы чогуу иштешип калдык. Өмүрү узун болгондо көптөгөн фильмде тартылмак. Анткени Кыргызстан менен Казакстандын киночулары үчүн ал табылгыс актер болчу", — деди Аринбасарова.

Актриса ошондой эле тасма жаратууда актерлордон сырткары, оператор, сценарист жана режиссерлор мыкты эмгектенгендигин кошумчалайт.

Фильмде Даркүл Күйүкова, Болот Бейшеналиев, Сабира Күмүшалиева, Насыр Кытаев, Мухтар Бахтыгереев, Алтынбек Кенжеков, Назирет Дубашев өңдүү кыргыз жана казак актерлору катышкан.

Тема:
"Таберик сүрөт" — сейрек кездешкен ирмемдер (79)

Тема боюнча

Бир чара балык, боз үйдө жашаган асылдар. "Бакайдын жайытынан" таберик сүрөт
Индия ырларын созгон Гүлжамал, бакырайган Нургазы. "Ак кемедеги" таберик сүрөт
"Эрте келген турналардагы" кара көз сулуу. Мырзагүлдүн таберик сүрөтү
Белгилер:
тасма, Сүрөт, "Жамийла" тасмасы, Наталья Аринбасарова, Сүймөнкул Чокморов, Кыргызстан

Дагы инфографика

ЭҢ МААНИЛҮҮ