БИШКЕК, 18-авг. — Sputnik. Волейбол боюнча Борбор Азия чемпионатында Кыргызстан командасы Тажикстанды караандатпай утуп алды. Бул тууралуу Волейбол федерациясынан билдирди.
18 Баш оона 2021, 19:05
Маалыматка ылайык, бүгүн мелдештин экинчи туру өтүп, өлкөнүн эркектер командасы тажикстандык волейболчуларды 3:0 эсеби менен жеңди. Ага улай эле кыз-келиндер командасы да Тажикстанды 3:0 менен утуп алды.
Кечээ биринчи турда улуттук команданын эркектери Казакстанга 3:2, кыз-келиндери 3:1 эсеби менен утулуп калган. Эртең Өзбекстандын волейболчулары менен беттешет.
Волейбол боюнча Борбор Азия чемпионаты Өзбекстандын Фергана шаарында өтүп жатат.
