БИШКЕК, 25-июн. — Sputnik. Казакстандын президенти Касым-Жомарт Токаев саламаттык сактоо министри Елжан Биртановду кызматтан алды. Бул тууралуу Sputnik Казакстан агенттиги кабарлады.
Маалыматка ылайык, ишинен кеткен саламаттык сактоо министри коронавирус жуктуруп алып, учурда дарыланып жатат. Ал вирусту илештирип алганын 14-июнда билдирген.
Биртанов кызматтан кетүү боюнча арыз жазганын социалдык тармак аркылуу билдирген. Азыркы тапта ооруканада дарыланып жатканы, абалы жакшырып калганы маалым болду.
Биртановдун ордуна Алексей Цой министр болуп дайындалды. Цой 22-июнда эле саламаттык сактоо тармагына биринчи вице-министр болуп келген. Буга чейин ал Казакстан президентинин иш башкармалыгынын алдындагы медициналык борборду жетектечү.
