Өзбекстанда чоң тойлорду өткөрүүгө тыюу салынбай турган болду

© Sputnik / Всеволод Тарасевич / Медиабанкка өтүүСвадьба в Узбекистане
Свадьба в Узбекистане - Sputnik Кыргызстан
Жазылуу
Буга чейин Шавкат Мирзиёев аткаминерлерге үлпөт тойлорго барууга тыюу салып, мындан ары бардык жарандар бирдей той өткөрөрүн айткан.

БИШКЕК, 30-июн. — Sputnik. Өзбекстандын парламенти чоң той өткөрүүгө тыюу салбоону чечти. Бул тууралуу Sputnik Өзбекстан агенттиги билдирди.

Төрөт үйү. Архив - Sputnik Кыргызстан
Өзбекстан төрөт үйүндөгү шаан-шөкөт менен күрөшө баштады
Олий межлистин жогорку палатасынын сенаторлору үлпөт жана башка тойлорду өткөрүүдө катуу эрежелерди киргизүүдөн баш тартты. Улуттук каада салттарды, аймактын өзгөчөлүгүн эске алуу менен мындай тыюу салуу туура эмес болот деген жыйынтыкка келишкен.

Жыйынга катышкандар нормативдик актыларды түзүп тоскоолдук жараткандан көрө калк арасында түшүндүрүү иштерин жүргүзүп, ар бир киши башкаларга үлгү болсо ошол жакшы таасир берерин белгилешкен.

Белгилей кетсек, 4-мартта Өзбекстандын президенти Шавкат Мирзиёев аткаминерлерге үйлөнүү үлпөт тойлоруна барууга тыюу салган болчу.

Жаңылыктар түрмөгү
0