БИШКЕК, 26-мар. — Sputnik. Өзбекстандын Саламаттык сактоо министрлиги эне-баланы төрөт үйүнөн чыгарып жаткандагы шаан-шөкөттү токтотуу эрежелерин иштеп чыкканы жатат. Бул тууралуу Sputnik Өзбекстан агенттиги ведомство жетекчиси Алишер Шадмановдун сөзүнө таянып жазды.
"Учурда медициналык мекемелерде акушер-гинеколог, үй-бүлөлүк дарыгерлер жана медайымдар арасында түшүндүрүү иштери жүргүзүлүп жатат. Ошондой эле кош бойлуу келиндер менен алардын ата-энелерине дагы маалыматтар берилүүдө", — деп жазылат макалада.
Мунун жыйынтыгы эмитен эле жемишин берип, Ташкент шаарында миңге жакын жаш үй-бүлө төрөт үйүнөн балдарын каада-салттан четтебей, бирок "ызы-чуусуз" эле чыгарып кетти.
