03:52 06 Баш оона 2020
Түз эфир
  • USD76.9019
  • EUR91.0557
  • RUB1.0494
Азия
Кыскача шилтеме алуу
22800

Президент небереси Керимгулы Бердымухамедов таптаган Мирас деп аталган аргымак менен жарышка түшкөн.

БИШКЕК, 30-апр. — Sputnik. Түркмөнстандын президенти Гурбангулы Бердымухамедов Түркмөн аргымагынын майрамында өткөн ат чабышта биринчи болуп келди. Бул туурасында РИА Новости кабарлады. 

Аргымактар күнүнө карата өткөрүлгөн жарышта катышуучулар 1,2 чакырымга ат чабышкан. Жарышка түркмөн лидеринен сырткары дагы тажрыйбалуу алты чабандес катышкан.

Иш-чаранын жүрүшүндө диктор президент небереси Керимгулы Бердымухамедов таптаган Мирас деп аталган аргымак менен жарышка түшөөрүн жарыя кылган.

Белгиленген аралыкты 1 минуту 25 секунд ичинде чуркап өткөн Мирас марага биринчи болуп келип, Бердымухамедов баш байге — Toyota Land Cruiser Prado жолтандабасын утуп алган.

Агенттик президент автоунаа ачкычын айыл чарба иштери Эсенмурад Оразгелдиевге берип жатып, "Оразгелдиев, бул байгени расмий түрдө саяпкерлердин муктаждыктарына жумшоо үчүн берем" деп айтканын жазды.

Тема боюнча

Түркмөнстанда ахалтекин жылкылары арасында "сулуулук" сынагы өтөт
Белгилер:
ахалтекин, ат чабыш, Гурбангулы Бердымухамедов, Түркмөнстан

ЭҢ МААНИЛҮҮ