БИШКЕК, 1-май — Sputnik. Россия НАТО жана Евробиримдиктин Калининградды чектеп, курчоого алуу аракеттеринин кайсынысына болбосун чечкиндүү жооп кайтарат. Бул тууралуу Тышкы иштер министрлигинин өзгөчө тапшырмалар боюнча элчиси Артем Булатов РИА Новостиге берген маегинде билдирди. https://ria.ru/20260501/kaliningrad-2090001099.html
"Мындай ачык билдирүүлөргө өтө олуттуу мамиле кылабыз. Тилекке каршы, өз өлкөлөрүн кандай аскердик жана саясий тобокелчиликке кептеп жатканын такыр аңдабаган, "өзүн-өзү жок кылуучу" тактикалык пландардын авторлору тууралуу минтип айтууга болбойт", — деген ал.
Дипломат Владимир Путиндин Калининград облусун обочолонтууга аракет жасалса абал мурда болуп көрбөгөндөй чыңаларын эскерткени алар үчүн маанилүү ишарат болушу керек деп атады.
Январь айында Литванын ТИМ башчысынын мурдагы орун басары Дариус Юргелявичус эгер Москва менен тикелей кагылышуу болуп кетсе НАТОдо бул аймакты блокадага алуунун даяр сценарийи бар экенин билдирген. Былтыр жай айларында Альянстын кургактагы аскерлеринин кол башчысы, генерал Кристофер Донахью да ушундай эле пикирин айткан. Ал блокко кирген өлкөлөр Россия күчтөрүнүн коргонуу мүмкүнчүлүгүн ыкчам түрдө басып коюуну пландап жатышканын ырастаган эле.