БИШКЕК, 28-апр. — Sputnik. АКШ менен жамааттык Батыш дүйнөлүк коопсуздуктун негиздерин бузуп жатат. Бул тууралуу Россиянын коргоо министри Андрей Белоусов Бишкекте өтүп жаткан ШКУга мүчө өлкөлөрдүн коргоо министрлеринин жыйынында билдирди.
"Алар глобалдык үстөмдүктү сактап калууга умтулуп, дүйнөлүк коопсуздуктун негиздерин бузуп жатышат. Жүргүзүлүп жаткан агрессивдүү саясаты каршылыктарды, тирешүүлөрдү күчөтүп, стратегиялык туруктуулукту жана негизги тынчтык боюнча келишимдердин күчүн жоготууда", — деди Белоусов жыйында.
Борбор Азияга ал аймактан тышкаркы мамлекеттер аскерлерин жайгаштырууга жана логистикалык маселелерди чечүүгө умтулушун Россия жол берилгис нерсе деп эсептей турганын билдирди. Ошондой эле Сирия, Ливан жана Афганстандагы кырдаал тынчсызданууну жаратып жатканын белгиледи.
"Аймактан тышкаркы мамлекеттердин Борбор Азияга аскердик күчүн жайгаштырып жана логистикалык маселелерди чечүүгө аракет кылып жатканын байкап турабыз. Мунун бардыгы кабыл алынгыс, жол берилгис нерсе деп эсептейбиз", — деди Белоусов.