Болгону 20-августта Союздук келишимди түзүү иши калган. Бирок ага бир күн жетпей, 19-августта, ГКЧП (Өзгөчө кырдаалдар боюнча мамлекеттик комитет) төңкөрүшү болгон. Михаил Горбачев өлкөдө өзгөчө кырдаал режимин киргизүүдөн же бийликти вице-президент Геннадий Янаевге өткөрүп берүүдөн баш тартканы үчүн Крымда үй камагына алынган.
СССРди сактап калуу планы ишке ашпай, Союздук келишимге кол коюлбай калган. Анын ордуна 8-декабрда РСФСР, Украина жана Беларустун өкүлдөрү 11 республика кирген Көз карандысыз Мамлекеттердин Шериктештигин түзүү жөнүндө декларацияга кол коюшкан.