БИШКЕК, 2-апр. — Sputnik. АКШнын президенти Дональд Трамп АКШ эки-үч жуманын ичинде Иранга катуу чабуул жасап, өлкөнү таш доорго кайра алып барарын айтты. Бул туурасында РИА Новости жазды.
"Бүгүн биз негизинен өзүбүздүн план менен бара жатабыз жана Американын алдына койгон согуштук пландарын жакында ишке ашырабыз. Душманга катуу сокку урабыз. Эки-үч аптанын ичинде Иранды биротоло жок кылабыз же өздөрү айткандай таш дооруна кайтарабыз", — деген Трамп элге кайрылуусунда.
Ак үйдүн кожоюну төмөнкүлөргө токтолду:
АКШ Ормуз аркылуу дээрлик мунай импорттобойт жана импорттоону пландабайт. Бул кысык аркылуу мунай алган өлкөлөр ал жерден өтүүнүн коопсуздугун өздөрү камсыз кылышы керек. Ошондой эле алар отун ресурстарын Кошмо Штаттардан сатып алса болот;
Ирандагы бийликти алмаштыруу Вашингтондун максаты эмес эле, бул тууралуу сөз болгон эмес, бирок ал ишке ашып кетти;
эгер кепке келишпесе, АКШ Ирандын бардык электр станцияларына "оңбогондой жана балким, бир убакта" сокку урат;
президент ошондой эле чатактын эң оор бөлүгү артта калганына жана "мындан ары бардыгы жеңил болоруна" ишеним арткан.