БИШКЕК, 1-апр. — Sputnik. Украинанын үч командирине, алардын ичинде өлкөнүн Аскердик чалгын кызматынын мурдагы башчысы Кирилл Будановго* Херсон облусунда теракт жасоого байланыштуу сыртынан айып тагылды. Бул тууралуу Россиянын Тергөө комитетинин төрагасы Александр Бастрыкин РИА Новости агенттигине берген маегинде билдирди.
Буга чейин россиялык тергөөчүлөр жаңы жыл түнү Украинанын Куралдуу күчтөрү Хорлы айылындагы кафе менен мейманканага үч учкучсуз учуучу аппарат менен кол салганын аныкташкан.
"Экспертиза ар бир дрондун жарылуу күчү 25 килограмм тротилге барабар экенин көрсөттү. Өрт чыгаруучу таасирин күчөтүү үчүн дрондор кошумча күйгүзүүчү аралашма заряд менен жабдылган", — деди Бастрыкин.
Анын айтымында, чабуулдан келтирилген чыгым 60 миллион рублден ашкан.
2026-жылдын 1-январына караган түнү Украинанын Куралдуу күчтөрү Кара деңиз жээгиндеги Хорлы айылындагы кафе менен мейманканага дрон менен сокку урган. Ал жерде жергиликтүү тургундар Жаңы жылды тосуп жатышкан. Россиянын Тергөө комитетинин маалыматы боюнча, 29 адам каза болуп, кеминде 60 адам жабыркаган.
*Россиянын каржылык мониторинг кызматы тарабынан экстремисттер жана террорчулар тизмесине киргизилген.