БИШКЕК, 7-окт. — Sputnik. Президент Садыр Жапаров Россия лидери Владимир Путин менен телефондон сүйлөшүп, туулган күнүн куттуктады. Бул тууралуу мамлекет башчынын маалымат кызматы кабарлады.
Россиянын президенти бүгүн, 7-октябрда, 71 жашка чыкты.
Садыр Жапаров Путинге чың ден соолук, жооптуу мамлекеттик ишинде мындан аркы зор ийгиликтерди каалаган.
"Жапаров Кыргызстан Владимир Путиндин тарыхый достуктун, өз ара колдоонун жана ишенимдин бекем салттарына негизделген кыргыз-орус стратегиялык өнөктөштүгүн жана союздаштыгын чыңдоого кошкон жеке салымын жогору баалай турганын белгиледи", — деп жазылган маалыматта.
Өлкө лидерлери кызматташуунун актуалдуу багыттарын, ошондой эле Путиндин Кыргызстанга боло турган расмий сапарын, анын ичинде КМШ саммитине катышуусун талкуулашкан.