БИШКЕК, 29-сен. — Sputnik. Орус романстарынын жаш аткаруучулары арасында өткөн VII "Борбор азиялык романсиада” эл аралык конкурсунун жеңүүчүлөрү аныкталды. Мыкты наам үчүн Кыргызстан, Казакстан жана Өзбекстандан 57 катышуучу күч сынашты. Сынак 28-сентябрда Абдылас Малдыбаев атындагы Кыргыз улуттук опера жана балет театрында уюштурулган.
Бүгүн филармонияда конкурстун гала-концерти болду. Кечеге Россиянын эмгек сиңирген артисти Галина Преображенская, "Россия" ансамблинин солисти Ирина Крутова, Өзбекстандын эл артисти Авазхон Ражабов, КР эмгек сиңирген артисттери Элнура Муктарбек, Тилек Найманбаев, Игорь Воронцов, Казакстандын улуттук академиялык опера жана балет театрынын солисти Эмил Сакавов, VII "Борбор азиялык романсиаданын" лауреаттары жана Бишкек мэриясынын Урмат Тентимишов жетектеген симфониялык оркестри катышты.
Жаш таланттар "Романсиада үмүтү", "Жаш аткаруучулар", "Чексиз романс" номинациялары үчүн өнөрлөрүн тартуулашты. Бул катарга дагы бир - "Автордук романс" номинациясы да киргизилди.
Баш байгени кыргызстандык аткаруучу Элгиз Бейшенбаев жеңип алды. Ал декабрь айында Москвада өтө турган орус романстарынын жаш аткаруучуларынын "Романсиада" XXVII эл аралык сынагынын финалына катышат.
Биринчи орундун ээлери:
Шохсанам Обидова, Ридван Сулейманов (Өзбекстан), Николай Ковалев, Субан Үмөтбек уулу (Кыргызстан), Данияр Раис (Казакстан).
Экинчи орундун ээлери:
Сыймык Сатыбалдиев, Ольга Севостьянова, Азамат Бейшембаев (Кыргызстан), Фарезбек Усмонов, Азизбек Усмонов (Өзбекстан).
Үчүнчү орундун ээлери:
Улан Асеков, Абдиназар Токтосунов, Темирлан Магзимов (Кыргызстан), Мохигул Гайыпова (Өзбекстан), Гани Макар (Казакстан).
Диплом менен сыйлангандар:
Хикматилло Хайитов (Өзбекстан), Айсуу Береке кызы, Дарья Казакова, Бекхан Додонов, Даниел Касымов, Алиназар Жамалбеков, Аят Мисирова, Сания Мамашева, Бермет Жумабекова, Диана Исхакова, Маншук Токсонбаева, Адилет Нурбек уулу (Кыргызстан).
"Сергей Рахманиновдун романстарын мыкты аткаргандыгы үчүн":
Нурмухаммед Есемуратов (Өзбекстан).
"Романсиада сулуусу":
Маржона Ахадиллаева (Өзбекстан), Гаухар Темиргазиева (Кыргызстан).
"Кыргыз романсын мыкты аткаргандыгы үчүн":
Асел Чоңколоева (Кыргызстан).
КР эл артисти Марлен Темирбеков атындагы байге:
Бактурган Санжарбек уулу (Кыргызстан).
"Жогорку аккомпанементтик искусство үчүн":
Айбарчын Добулбекова.
Sputnik Кыргызстандын шеф-редактору Эркин Алымбеков сынактын эң жаш катышуучусу — тогуз жаштагы Арсен Мухтарбековго сыйлык менен кошо белек тапшырды. Ал "Көрүүчүлөрдүн сүймөнчүгү" сыйлыгына ээ болду.
Sputnik Кыргызстандын шеф-редактору Эркин Алымбеков сынактын эң жаш катышуучусу — тогуз жаштагы Арсен Мухтарбековго сыйлык менен кошо белек тапшырды.
© Sputnik / Владислав Ногай
Сынакты КР Маданият министрлиги, Россиянын Бишкектеги илим жана маданият борбору (Русский дом), "Романсиада" кайрымдуулук фонду уюштурган. Колдоо көрсөткөндөр: "Чет жердеги орус мурасы" фонду жана Кыргыз улуттук академиялык опера жана балет театры.
Конкурстун медиа өнөктөшү — Sputnik Кыргызстан маалымат агенттиги жана радиосу.