БИШКЕК, 5-июл. — Sputnik. Балыкчы — Бөкөнбаев — Каракол унаа жолунун 83-чакырымында Mercedes-Benz үлгүсүндөгү жүргүнчү ташуучу унаа жолдон чыгып оодарылып кетти. Бул туурасында Өзгөчө кырдаалдар министрлиги билдирди.
Маалыматта унаанын айдоочусу рулга ээ боло албай калганы айтылат. Кырсык 4-июль күнү саат 20:50лөр чамасында Тоң районунун Ак-Сай айылын аралап өтүүчү жолдо катталган. Мунун кесепетинен беш эркек киши жана бир аял жаракат алган.
Окуя болгон жерге ӨКМден үч куткаруучу тартылган. Жабыркагандарды Тез жардам кызматы Тоң райондук ооруканага алып кеткен.