БИШКЕК, 3-фев. — Sputnik. Түндө өлкө аймагында эки ирет жер титиреп, күчү кээ бир аймактарда 4 баллга жетти. Бул тууралуу ӨКМ КРдин Сейсмология институтунун маалыматына таянып кабарлады.
Биринчиси саат 03:40та Кыргызстан менен Кытайдын чектешкен аймагында болуп, күчү очогунда 3,5 баллга жеткен. Жердин термелүүсү Алай районунун Нура жана Иркештам айылдарында катталган.
Ал эми экинчиси саат 04:03тө Кыргызстан менен Өзбекстандын чектешкен аймагындагы очогунда катталып, күчү 4 баллга жеткени белгилүү болду.
"Жердин силкинүүсү Аксы районунун Кызыл-Жар, Жыл-Кол, Кум айылдарында 3 баллга чейин сезилген", — деп айтылат маалыматта.
Жер титирөөдөн жабыркагандар жана кыйроолор катталган эмес.