БИШКЕК, 4-авг. — Sputnik. Калктын коронавирус боюнча маалымдуулугун жогорулатуу максатында атамекендик IT-адистер Саламаттык сактоо министрлигинин адистери менен биргеликте жаңы ресурсту иштеп чыкты. Бул тууралуу Республикалык штабдан билдирди.
Бул аракет Коронавируска каршы күрөшүү боюнча республикалык штабдын тапшырмасы боюнча ишке ашууда.
"COVID.kg — коронавирустан улам түзүлгөн кырдаал боюнча иштелип чыккан бирдиктүү маалыматтык платформа, ал жерден мамлекеттик органдардын жүргүзүп жаткан иштери жөнүндө билсе болот. Кызыкдар тараптар өздөрү үчүн кызыктуу маалыматты таба алышат", - деп айтылган билдирүүдө.
Эмнеге балдар коронавируска жакшы туруштук берет? Педиатрдын пикири
Сайтта коронавируска каршы күрөшүү боюнча негизги маалыматтар келтирилген:
- - айыккан жана ооруп калган адамдар жөнүндө акыркы жана расмий статистика;
- - ачылган стационарлар;
- - пандемияга каршы күрөшүүнүн алкагында жүргүзүлүп жаткан иш-чаралар боюнча акыркы жаңылыктар;
- - ыктыярчылардын ишмердүүлүгү;
- - гуманитардык жардам боюнча отчеттор;
- - дүйнөлүк статистика;
- - дарыгерлердин сунуштамалары.
Ошондой эле бардык суроолор боюнча кайтарым байланышуу мүмкүнчүлүгү каралган. Мындан тышкары, бул аянтчада берилген маалыматтын сапаты боюнча атайын сурамжылоо жайгаштырылган.
Бишкектеги ооруканалар боюнча бирдиктүү система ишке кирди
Демилгечилер иштелип жаткан маалыматтык өнүмдөрдүн сапатын жакшыртууга жардам берүүгө коомчулукту чакырат.