БИШКЕК, 2-май — Sputnik. Казакстандын президенти Касым-Жомарт Токаев Дарига Назарбаевага парламенттеги жумушу үчүн ыраазычылык билдирди. Бул тууралуу Sputnik Казакстан кабарлады.
"Назарбаева Дарига Нурсултановнага Казакстандын парламентинин сенатына жетекчилик кылган үзүрлүү жана активдүү эмгеги үчүн ыраазычылык билдирем", — деп жазган Токаев Twitter баракчасына.
Эске салсак, Казакстандын президенти Касым-Жомарт Токаев 2-майда Дарига Назарбаеваны депутаттык укуктан ажыратуу боюнча жарлыкка кол койгон.
Дарига Назарбаева — Казакстандын биринчи президенти Нурсултан Назарбаевдин улуу кызы. Ал 2019-жылдын 20-мартында парламенттин сенатынын спикери болуп дайындалган.