БИШКЕК, 10-апр. — Sputnik. Улуттук статистика комитетинин маалыматына таянсак, кыргызстандыктар 1991-1992-жылдары этти көп жеген.
Тактап айтсак, 1991-жылы ар бир кыргызстандык бир ай ичинде орто эсеп менен 2,8 килограмм эт жесе, бул көрсөткүч бир жылдын ичинде 100 граммга азайган.
Негизи эле 1995-жылга чейин мекендештер бир айда 2 килограммдан аз эт жечү эмес. Анткен менен 1996-жылдан тарта бир дагы жолу бул көрсөткүчкө жете алган жок.
Улуттук статистика комитети 2017-жылга чейинки маалыматты жарыялады.
Ага көз салсак, ушул убакка чейин кыргызстандыктар эт жана эт азыктарын нормага жеткире жеп көрө элек. Өкмөт бекиткен өлчөмгө караганда, ар бир киши жылына 60, айына 5 килограммдан эт жеши керек.