20:20 27 Аяк оона 2020
Түз эфир
  • USD79.4998
  • EUR92.6530
  • RUB1.0349
Россия
Кыскача шилтеме алуу
566201

Борбор Азия мамлекеттеринде, анын ичинен Кыргызстанда дагы Россия менен аба каттамдарынын ачылышын чыдамсыздык менен күтүп жатышат.

Москва, 4-авг. —Sputnik, Лев Рыжков. Россия 1-августтан тарта үч мамлекет — Улуу Британия, Түркия жана Танзания менен авиакаттамын жандандырды. 11-августтан тарта бардык багыттар боюнча ачылары айтылууда, бирок муну тастыктаган расмтй маалымат жок.

Борбор Азия мамлекеттеринде, анын ичинен Кыргызстанда Россия менен аба каттамдарынын ачылышын чыдамсыздык менен күтүп жатышат.

Чек ара жабылгандан кийин миңдеген адамдар сыртта калып, учурда алардын көбү үйүнө кайтууну көздөп турушат.

Кыргызстанга эл аралык аба каттамдары августта жаңыланабы? Расмий жооп

Кыргызстанда аба жолдору Россия менен бир учурда ачылат. КРдин Жарандык авиация агенттигинин директору Курманбек Акышевдин айтымында, республика сентябрдан тарта төрт мамлекет менен аба каттамын ачууга даяр.

КРдин Россиядагы элчилигинин маалыматына караганда, 2020-жылдын март айынан, карантин жарыялангандан тарта мекенине 22 400 жаран кайтып келген. Ал эми Россияда канча кыргызстандык бар экендиги боюнча так маалымат жок.

"Ар күнү чартердик каттам менен жөнөтөбүз жана улам башка жарандар келип жатат. Москвадагы элчиликке эле 10 миңге чукул адам кетебиз деп жазылган. Башка тизме биздин канцелярия жана башкы консулдуктар тарабынан түзүлүп жатат", — деп айтып беришкен элчиликтин маалымат кызматынан.

Россия эл аралык аба каттамын жандантты

Элчиликтин маалыматына караганда. карантиндин башталышы менен 93 чартердик жана автобустук 52 каттам уюшулуп, жарандар ташылган. Анткен менен кете албай калгандар дагы деле бар.

"20-марттан тарта элчиликтин алдында штаб иштей баштады. Эвакуация менен Кыргызстандын РФтеги элчиликтин мекемелери алектенди. Пандемия башталгандан соң Миграция кызмат активдешип, жарандар үчүн иш орундарын издөөнү активдештирдик.

Иш берүүчүлөр менен түз сүйлөштүк. 6000ге жакын иш орун таптык. 3000 кииши орношту. Учурда жагы 3,5 ваканттык орун бар", — деши элчиликтен.

Алты жүз кишини хостелдерге жайгаштырышкан. Жети миңге чукул үй-бүлөгө тамак-аш жагынан Республикалык штабдын, диаспоралардын жана демөөрчүлөрдүн эсебинен жардам көрсөтүлгөн.

Тема боюнча

Кыргызстан жакында үч өлкө менен аба каттамын жандантууну пландап жатат
Белгилер:
каттам, жаран, автобус, учак, жол, аба, Кыргызстан, Россия

ЭҢ МААНИЛҮҮ