Жаанчыл болчудай. Октябрга карата аба ырайынын божомолу

Жазылуу
Октябрь айында эң жогорку температура 25 градуска чейин болот деп кабарланды. Синоптиктер Алай өрөөнүнөн сырткары аймактарда жаан-чачындын айлык көлөмү нормадан жогору болорун божомолдоду.

БИШКЕК, 16-сен. — Sputnik. Октябрь айына карата синоптиктердин берген божомолунда сууктун күчү аймактарда -12 градуска чейин түшүп, күз жаанчыл болот. Бул туурасында ӨКМдин алдындагы Кыргызгидромет билдирди.

Чүй жана Талас облустары

Распространение болезней сердца в КР - Sputnik Кыргызстан
Сак болуңуз! Дарыгерлер инфарктты пайда кылган жагдайларды атады
Абанын айлык орточо температурасы климаттык нормадан 1…1,5 градус төмөн болуп Чүй, Талас өрөөндөрүндө +7…+9, тоо этектеринде жана Кемин өрөөнүндө +5…+7 градус жылуу болушу күтүлөт. Ай ичинде абанын температурасы түнкүсүн +1…+6дан тарта +7…+12 градуска чейин өзгөрүлүп турат. Кээ бир түндөрү суук 1...3 градуска чейин түшүп, үшүк жүрүшү мүмкүн. Күндүз абанын температурасы +10…+15тен +18…+23 градуска чейин өзгөрүлүп, кээ бир күндөрү +3…+8 градуска чейин болушу мүмкүн.

Кемин өрөөнүндө жана тоо этектериндеги райондордо абанын температурасы түнкүсүн 0…+5тен баштап -1…-6 градуска чейин, күндүз +7…+12ден тарта +13…+18 градуска чейин өзгөрүлүп турушу ыктымал.

Жаан-чачындын айлык көлөмү нормадан жогору болушу күтүлөт.

Ош, Жалал-Абад жана Баткен облустары

Абанын айлык орточо температурасы климаттык нормадан 1 градус төмөндөп, +10…+12 болсо, тоо этектериндеги райондордо +6…+8 градуска түшөт.

Ай ичинде абанын температурасы түнкүсүн +1…+6дан тарта +8...+13 градуска чейин өзгөрүлүп турат, кээ бир түндөрү 0…-2 градуска чейин үшүк жүрүшү мүмкүн. Күндүз +13…+18ден тарта +20…+25 градуска чейин өзгөрүлүп турушу күтүлөт, кээ бир күндөрү термометр +7…+12ни көрсөтөрү болжолдонууда.

Тоо этектериндеги райондордо абанын температурасы түнкүсүн +3…+8ден тарта +9...+14 градус жылуулукка чейин өзгөрүлүп турат, кээ бир түндөрү -1…-3 болуп, үшүк жүрүшү мүмкүн. Күндүз +8…+13төн тарта +15…+20 градуска чейин өзгөрүлүп турушу күтүлөт. Эске алчу учур — кээ бир күндөрү +1…+6 градуска чейин төмөндөшү мүмкүн. Жаан-чачындын айлык көлөмү нормадан жогору болушу күтүлөт.

Ысык-Көл облусу

Абанын айлык орточо температурасы климаттык нормага жакын болуп, +6…+8 градус жылуу болушу ыктымал. Ай ичинде абанын температурасы түнкүсүн -2 градус сууктан +3кө чейин, чыгыш бөлүгүндө -4 градустан +1 градуска чейин болушу, күндүз +5…+10дон тарта +12…+17 градуска чейин өзгөрүлүп турушу мүмкүн. Жаан-чачындын айлык көлөмү нормадан жогору болушу күтүлөт.

Нарын облусу

Кол чатыр көтөргөн аял. Архив - Sputnik Кыргызстан
Жаан жаайт. Бир жумага карата аба ырайы
Абанын айлык орточо температурасы климаттык нормадан 1 градус төмөн болуп, +4…+6 градус жылуу болушу күтүлөт.

Ай ичинде абанын температурасы түнкүсүн -3 сууктан +2 градуска чейин чыгат деген божомол бар. Ат-Башы районунда кээ бир түндөрдө аба ырайы -3...-8 градуска чейин төмөндөшү мүмкүн делсе, күндүз +3…+8 градустан +10…+15 градуска чейин өзгөрүлүп турушу ыктымал. Жаан-чачындын айлык көлөмү нормадан жогору болушу күтүлөт.

Алай өрөөнү

Абанын айлык орточо температурасы климаттык нормага жакын болуп, -1° сууктан +1 градус жылуулукка чейин жылуу болушу күтүлөт. Ай ичинде абанын температурасы түнкүсүн 0...-5° сууктан -6...-11 градус суукка чейин, күндүз -3 жана + 2 градустан +4...+9° болуп өзгөрүп турушу мүмкүн. Жаан-чачындын айлык көлөмү нормага жакын болушу ыктымал.

Суусамыр өрөөнү

Абанын айлык орточо температурасы климаттык нормадан 1° төмөн болуп, 0…+2 градус жылуу болушу күтүлөт. Ай ичинде абанын температурасы түнкүсүн 0...-5тен -7...-12 градуска суукка чейин, күндүз -1 ... +4 градустан тарта +7...+12 градуска чейин өзгөрөт. Жаан-чачындын айлык көлөмү нормадан жогору болушу мүмкүн.

Виджет news
Жаңылыктар түрмөгү
0