Бишкек кайтадан эң начар шаарлардын катарына кирди

Жазылуу
Кыргызстандын борбору былтыркы жылга салыштырмалуу өзүнүн көрсөткүчүн эки тепкичке гана жакшырта алган.

БИШКЕК, 14-мар. — Sputnik. Американын аналитикалык Mercer компаниясы тарабынан түзүлгөн шаарлардын рейтингинде Бишкек 231 шаардын ичинен 207-орунду алган.

Рейтингди түзүүдө саясий туруктуулук, саламаттык сактоонун сапаты, билим берүү, кылмыштуулуктун деңгээли, транспорт, инфраструктура жана көңүл ачуу жайлары эсепке алынган.

Проблема детского труда в Кыргызстане - Sputnik Кыргызстан
Кыргызстан жакыр 50 өлкөнүн катарына кантип кирип калганын министрлик түшүндүрдү
Рейтингде биринчи орунга сегиз жыл катары менен Австриянын борбору Вена шаары татыды. Алдыңкы ондукка Цюрих (Швейцария), Окленд (Жаңы Зеландия), Мюнхен (Германия), Ванкувер (Канада), Дюссельдорф (Германия), Франкфурт (Германия), Женева (Швейцария), Копенгаген (Дания) жана Базель (Швейцария) шаарлары кирди.

Орто Азиядагы шаарлардын ичинен эң алдыңкы орунга Алматы (178-орун) татыган. Андан кийин Ташкент, (205-орун) Бишкек (207-орун), Ашхабад (211-орун) жана Душанбе (215-орун) шаарлары турат.

Ал эми рейтингдеги эң акыркы орундарга Йемендин Сана шаары (229-орун), Борбор Африка мамлекетинин Банги шаары (230-орун) жана эң акыркы орунду Ирактын Багдад шаары (231-орун) ээледи.

Mercer компаниясы буга чейин да шаарлардын рейтингин чыгарып келген. Былтыр Бишкек шаары "Ислам мамлекети" террордук тобунун "коркунучунан" улам эң начар шаарлардын катарына кирип, 209-орунга татыган.

Жаңылыктар түрмөгү
0