Кыргызстанда жазында жаңы муфтий шайланат. Талапкерге коюлган талаптар

© Sputnik / Табылды КадырбековМечеть в новостройке Ак-Орго на окраине города Бишкек
Мечеть в новостройке Ак-Орго на окраине города Бишкек - Sputnik Кыргызстан
Жазылуу
Кыргызстандын азыркы муфтийи 44 жаштагы Максатбек Токтомушев бул кызматка 2014-жылы шайланган.

БИШКЕК, 9-дек. — Sputnik. Кыргызстан мусулмандар дин башкармалыгынын башчысы — муфтийди шайлоо жазында, 4-апрелде өтөт. Бул туурасында муфтияттын маалымат кызматынын өкүлү Максат Атабаев кабарлады.

Андан сырткары, Кыргызстан мусулмандар башкармалыгынын аалымдар кеңешине жана Борбордук текшерүү комиссиясынын төрагалыгына сынак жарыяланды.

Кыргызстан мусулмандарынын муфтийи Максатбек ажы Токтомушевдин архивдик сүрөтү - Sputnik Кыргызстан
Муфтийдин айылга каты: арасында жүрсө дагы булуттун, адам кантип өскөн жерин унутсун
Конкурстан тандап алынган бул талапкерлерди да Кыргызстан мусулмандары 2017-жылдын 4-апрелинде өткөн атайын курултайда шайлайт.

Аталган кызматтарга келе турган талапкерлер үчүн атайын талаптар, эреже-тартиптер бекитилген. Муфтияттан Кыргызстандын ар бир жараны муфтийдик кызматка талапкер катары каттала аларын айтышты.

Кыргызстан мусулмандар Дин башкармалыгынын башчысы — муфтий болууга атанган талапкерге 12 талап коюлган.  Алардын негизгиси, такыба, саясий партияларга мүчө болбогон жана соттолбогон, тагыраагы төмөнкү талаптарга жооп бере турган адам болушу шарт.

  • Кыргызстандын Конституциясы, мыйзамдары жана демократиялык коомдун негизги принциптери жөнүндө кеңири түшүнүгү бар;
  • Ахли сүннөт вал-жамаат акыйдасын жана Ханафий мазхабын карманышы керек;
  • Жогорку диний жана светтик билимге ээ болушу шарт;
  • Куран, тафсир, акыйда, хадис, фикх жана башка Ислам негиздерин терең өздөштүргөн болуусу керек;
  • Адеп-ахлагы бийик, адилеттүү, адамгерчиликтүү, такыба, гумандуу, чынчыл жана калыстык сапаттар;
  • Мусулман коомчулугунун арасында аброю жогору болгон жана элдин ишенимине кириши шарт;
  • КМДБнын курамында же дин кызматкери катары үч жылдан кем эмес иш тажрыйбасына ээ болушу зарыл;
  • Тиешелүү мамлекеттик органдар тарабынан кылмыш иши козголбогон жана соттолбогон адам;
  • Саясий партиялар менен саясий кыймылдардын эч бирине мүчө болбогон адам;
  • Уюштуруучулук жана жетекчилик жөндөмү бар;
  • Мамлекеттик жана араб тилдеринде эркин сүйлөп, ушул тилдерде өз ой пикирин кеңири жаза алышы шарт.
  • Катталуучу талапкер жеке ыктыярдуу түрдө өз талапкерлигин сунуштагандай эле Аалымдар жана диний уюмдар тарабынан дагы сунушталуу укугуна ээ болот.

Талапкерлердин арыздары 2017-жылдын 2-февралынан 24-февралы, саат 18:00 гө чейин Кыргызстандын Аалымдар кеңешине тапшырылышы керек.

Кыргызстандын азыркы муфтийи 44 жаштагы Максатбек Токтомушев бул кызматка 2014-жылы шайланган.

Жаңылыктар түрмөгү
0