https://sputnik.kg/20261011/saud-arabiya-sogush-zhanzhal-er-riyad-1104217674.html
Хуситтер Эр-Рияддын аэропортуна чабуул жасап, 12 адам каза болду
Хуситтер Эр-Рияддын аэропортуна чабуул жасап, 12 адам каза болду
Sputnik Кыргызстан
БИШКЕК, 11-окт. — Sputnik. Йемендеги "Ансар Алла" кыймылынын хуситтери Сауд Арабиясынын борбору Эр-Рияддагы падыша Халид атындагы эл аралык аэропортко... 11.10.2026, Sputnik Кыргызстан
2026-10-11T10:43+0600
2026-10-11T10:43+0600
2026-10-11T11:50+0600
дүйнөдө
сауд аравиясы
согуш
чабуул
эр-рияд
аэропорт
https://sputnik.kg/img/07e7/04/05/1074167496_0:320:3072:2048_1920x0_80_0_0_eb48fecac481da5d60382a7842c0590e.jpg
БИШКЕК, 11-окт. — Sputnik. Йемендеги "Ансар Алла" кыймылынын хуситтери Сауд Арабиясынын борбору Эр-Рияддагы падыша Халид атындагы эл аралык аэропортко ракеталык чабуул жасады. Бул тууралуу РИА Новости жазды. Акыркы маалымат боюнча, соккудан кеминде 12 адам каза болуп, дагы 309 киши жаракат алган. Арасында абалы оор бейтаптар бар. Маалыматтарга караганда, ракеталар аэропорттун №3 жана №4 терминалдарына тийип, олуттуу зыян келтирген. Чабуулдан кийин аба майдандын иши убактылуу токтотулуп, бир катар каттамдар учпай же башка аэропортторго багытталган. Мындан тышкары, Сауд Арабиясынын чыгышындагы Даммам шаарында жайгашкан эл аралык аэропорттун аймагына да снаряд түшкөн. Ал жакка бараткан айрым учактар күтүү аймагында айланып турганы кабарланды. Араб коалициясынын өкүлү Турки аль-Малики чабуулдун жоопкерчилигин хуситтерге жүктөп, адам өмүрүн алган окуяны жоопсуз калбай турган аскердик кылмыш деп атады.Ал эми АКШ президенти Дональд Трамп аэропортко чабуул жол берилгис кадам экенин белгилеген. Нааразычылыгын мамлекеттик катчы Марко Рубио менен БУУнун баш катчысы Антониу Гуттереш да билдирди.Йемендеги хуситтер менен Сауд Арабиясы колдогон өкмөттүк күчтөрдүн ортосундагы согуштук аракеттер төрт жылдык тыныгуудан кийин июль айынын ортосунда жанданган. Эл аралык деңгээлде таанылган Йемен бийлиги жакында Сананы хуситтерден бошотуу операциясы башталганын жарыялаган.
https://sputnik.kg/20171010/jemen-saud-araviyasyn-kozdoj-ballistikalyk-raketa-uchurdu-1035664449.html
сауд аравиясы
эр-рияд
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, сауд аравиясы, согуш, чабуул, эр-рияд, аэропорт
дүйнөдө, сауд аравиясы, согуш, чабуул, эр-рияд, аэропорт
БИШКЕК, 11-окт. — Sputnik. Йемендеги "Ансар Алла" кыймылынын хуситтери Сауд Арабиясынын борбору Эр-Рияддагы падыша Халид атындагы эл аралык аэропортко ракеталык чабуул жасады. Бул тууралуу
РИА Новости жазды.
Акыркы маалымат боюнча, соккудан кеминде 12 адам каза болуп, дагы 309 киши жаракат алган. Арасында абалы оор бейтаптар бар.
Маалыматтарга караганда, ракеталар аэропорттун №3 жана №4 терминалдарына тийип, олуттуу зыян келтирген. Чабуулдан кийин аба майдандын иши убактылуу токтотулуп, бир катар каттамдар учпай же башка аэропортторго багытталган.
Мындан тышкары, Сауд Арабиясынын чыгышындагы Даммам шаарында жайгашкан эл аралык аэропорттун аймагына да снаряд түшкөн. Ал жакка бараткан айрым учактар күтүү аймагында айланып турганы кабарланды.
Араб коалициясынын өкүлү Турки аль-Малики чабуулдун жоопкерчилигин хуситтерге жүктөп, адам өмүрүн алган окуяны жоопсуз калбай турган аскердик кылмыш деп атады.
Ал эми АКШ президенти Дональд Трамп аэропортко чабуул жол берилгис кадам экенин белгилеген. Нааразычылыгын мамлекеттик катчы Марко Рубио менен БУУнун баш катчысы Антониу Гуттереш да билдирди.
Йемендеги хуситтер менен Сауд Арабиясы колдогон өкмөттүк күчтөрдүн ортосундагы согуштук аракеттер төрт жылдык тыныгуудан кийин июль айынын ортосунда жанданган. Эл аралык деңгээлде таанылган Йемен бийлиги жакында Сананы хуситтерден бошотуу операциясы башталганын жарыялаган.
10 Тогуздун айы 2017, 11:40
