https://sputnik.kg/20260813/donbasstyn-boshotulushu-1102971024.html
Донбасстын бошотулушу: 83 жыл мурун башталган операциянын чоо-жайы. Видео
Донбасстын бошотулушу: 83 жыл мурун башталган операциянын чоо-жайы. Видео
Sputnik Кыргызстан
1943-жылы болгон Курск салгылашуусундагы немецтик-фашисттик аскерлердин талкаланышы Донецк бассейнин бошотууга ыңгайлуу шарт түзгөн. Бул жер душман үчүн өтө... 13.08.2026, Sputnik Кыргызстан
2026-08-13T20:14+0600
2026-08-13T20:14+0600
2026-08-13T20:14+0600
дүйнөдө
ссср
улуу ата мекендик согуш
донбасс
донецк
бошотуу
видео
https://sputnik.kg/img/07ea/08/0d/1102970583_0:219:1000:782_1920x0_80_0_0_4188085150ae90be1048d84fff20137c.jpg
Аймакты басып алган немецтик командачылык дароо эле талап-тоноочулукка киришкен. Ай-буйга келтирбей баарын басып алабыз деген тилеги ишке ашпай калгандан кийин өндүрүштү калыбына келтирип, аны рейхтин муктаждыгы үчүн колдоно баштаган. Оккупация учурунда нацисттер менен аларды колдоп-коштогондор 220 миң жай тургундун, 150 миң туткундун өмүрүн алган. Ал эми Донбассты бошотууда 65 миң советтик жоокер курман болгон. Мыкаачылык Сталинодогу (азыркы Донецк) №4/4 шахтасында жасалган, сөөктөр ушул жана башка жерлерде көмүлгөн. Бул Украин ССРиндеги Бабий Ярдан кийинки жапырт киши өлтүрүлгөн жер болуп калган эле. Токой-багы жок болгондуктан Донбасста партизандык кыймылдын толук кандуу иштөөсүнө мүмкүн болгон эмес. Деген менен жергиликтүү тургундар душманга каршы аракеттерге баарылап катышкан. Ворошиловград облусундагы Краснодондо уламышка айланган "Жаш гвардия" комсомолдук уюму фашисттерге каршы согушкан. Эң жаш мүчөсү болгону 14 жашта эле. 1942-жылы алар "эмгек биржасын" Германияга кулчулукка жөнөтүлө турган жаштардын тизмеси менен чогуу өрттөп жиберип, эки миңдей кишини аман алып калышкан. Фронттун аймакка жакындашы менен "жаш гвардиячылар" шаарда көтөрүлүш чыгармак болуп, бирок жетишпей калышкан. 1943-жылдын башында гитлерчилер алардын изине түшүп, көбүн өлтүрүп тынышкан. Чабуул башталган алгачкы беш күндүн ичинде Кызыл армия Змиевду ээлеп, душмандын Куйбышевонун батышындагы коргонуусун жарып өткөн. 30-августта Таганрог, 31инде Саур коргону бошотулган. 5-6-сентябрда советтик аскерлер Горловканы, Артемовскини, Макеевканы, Краматорск менен Константиновканы кайтарып алышкан. 8-сентябрда Донецк бошотулуп, 22синде Советтик армия нацисттерди Днепрден ары сүрүп чыгарган. Дал ушул Донбасстагы кармашта жалпы Украинаны нацисттерден бошотуу үчүн плацдарм түзүлгөн эле.
ссср
донбасс
донецк
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, ссср, улуу ата мекендик согуш, донбасс, донецк, бошотуу, видео, видео
дүйнөдө, ссср, улуу ата мекендик согуш, донбасс, донецк, бошотуу, видео, видео
Донбасстын бошотулушу: 83 жыл мурун башталган операциянын чоо-жайы. Видео
1943-жылы болгон Курск салгылашуусундагы немецтик-фашисттик аскерлердин талкаланышы Донецк бассейнин бошотууга ыңгайлуу шарт түзгөн. Бул жер душман үчүн өтө маанилүү эле.
Аймакты басып алган немецтик командачылык дароо эле талап-тоноочулукка киришкен. Ай-буйга келтирбей баарын басып алабыз деген тилеги ишке ашпай калгандан кийин өндүрүштү калыбына келтирип, аны рейхтин муктаждыгы үчүн колдоно баштаган.
Оккупация учурунда нацисттер менен аларды колдоп-коштогондор 220 миң жай тургундун, 150 миң туткундун өмүрүн алган. Ал эми Донбассты бошотууда 65 миң советтик жоокер курман болгон.
Мыкаачылык Сталинодогу (азыркы Донецк) №4/4 шахтасында жасалган, сөөктөр ушул жана башка жерлерде көмүлгөн. Бул Украин ССРиндеги Бабий Ярдан кийинки жапырт киши өлтүрүлгөн жер болуп калган эле.
Токой-багы жок болгондуктан Донбасста партизандык кыймылдын толук кандуу иштөөсүнө мүмкүн болгон эмес. Деген менен жергиликтүү тургундар душманга каршы аракеттерге баарылап катышкан.
Ворошиловград облусундагы Краснодондо уламышка айланган "Жаш гвардия" комсомолдук уюму фашисттерге каршы согушкан. Эң жаш мүчөсү болгону 14 жашта эле. 1942-жылы алар "эмгек биржасын" Германияга кулчулукка жөнөтүлө турган жаштардын тизмеси менен чогуу өрттөп жиберип, эки миңдей кишини аман алып калышкан.
Фронттун аймакка жакындашы менен "жаш гвардиячылар" шаарда көтөрүлүш чыгармак болуп, бирок жетишпей калышкан. 1943-жылдын башында гитлерчилер алардын изине түшүп, көбүн өлтүрүп тынышкан.
Чабуул башталган алгачкы беш күндүн ичинде Кызыл армия Змиевду ээлеп, душмандын Куйбышевонун батышындагы коргонуусун жарып өткөн.
30-августта Таганрог, 31инде Саур коргону бошотулган.
5-6-сентябрда советтик аскерлер Горловканы, Артемовскини, Макеевканы, Краматорск менен Константиновканы кайтарып алышкан. 8-сентябрда Донецк бошотулуп, 22синде Советтик армия нацисттерди Днепрден ары сүрүп чыгарган.
Дал ушул Донбасстагы кармашта жалпы Украинаны нацисттерден бошотуу үчүн плацдарм түзүлгөн эле.
