Жапаров Балыкчы — Кочкор темир жолун ачып, баасы канчага турганын айтты
Жапаров Балыкчы — Кочкор темир жолун ачып, баасы канчага турганын айтты
Sputnik Кыргызстан
БИШКЕК, 25-июл. — Sputnik. Мамлекет башчысы Садыр Жапаров Балыкчы — Кочкор темир жолунун жана Нарын облусундагы “Кочкор” станциясынын салтанаттуу ачылышына... 25.07.2026, Sputnik Кыргызстан
БИШКЕК, 25-июл. — Sputnik. Мамлекет башчысы Садыр Жапаров Балыкчы — Кочкор темир жолунун жана Нарын облусундагы “Кочкор” станциясынын салтанаттуу ачылышына катышты. Бул тууралуу президенттин маалымат кызматы кабарлады.Президент жаңы станцияга поезд менен келип, жолдун сапатын жеринен текшерип чыкты. Ал өз сөзүндө бул күн көз карандысыз Кыргызстандын тарыхында маанилүү орун аларын белгиледи.Узундугу 63 чакырымды түзгөн Балыкчы — Кочкор тилкеси Балыкчы — Кара-Кече — Макмал темир жол долбоорунун биринчи этабы болуп саналат.Садыр Жапаров курулуш толугу менен өлкөнүн өз күчү менен ишке ашканын өзгөчө баса белгиледи.Жапаров Түндүк — Түштүк альтернативдик автожолунун курулушун мисалга келтирип, анда 1 чакырымга 2,5 миллион доллар көрсөтүлгөнү менен жол дагы эле толук бүтө электигин жана каражаттын жарымынан көбү уурдалып кеткенин кошумчалады. Темир жол куруу кыйла татаал жана кымбат болгонуна карабай Кыргызстан аны кыйла арзан кура алды.Президент темир жол тармагындагы өнүгүүлөргө да токтолду:Салтанаттын соңунда Садыр Жапаров темир жолдун акыркы бурамасын атайын ачкыч менен өзү бекитип, ачылышты белгиледи. Ошондой эле жергиликтүү тургундар менен баарлашып, койгон максаттардын баары өлкөдөгү туруктуулуктун аркасында гана ишке ашарын белгиледи.
БИШКЕК, 25-июл. — Sputnik. Мамлекет башчысы Садыр Жапаров Балыкчы — Кочкор темир жолунун жана Нарын облусундагы “Кочкор” станциясынын салтанаттуу ачылышына катышты. Бул тууралуу президенттин маалымат кызматы кабарлады.
Президент жаңы станцияга поезд менен келип, жолдун сапатын жеринен текшерип чыкты. Ал өз сөзүндө бул күн көз карандысыз Кыргызстандын тарыхында маанилүү орун аларын белгиледи.
Садыр Жапаров Балыкчы — Кочкор темир жолунун жана Нарын облусундагы “Кочкор” станциясынын ачылышына катышты
Узундугу 63 чакырымды түзгөн Балыкчы — Кочкор тилкеси Балыкчы — Кара-Кече — Макмал темир жол долбоорунун биринчи этабы болуп саналат.
Садыр Жапаров курулуш толугу менен өлкөнүн өз күчү менен ишке ашканын өзгөчө баса белгиледи.
“Курулуш учурунда 1 миллион кубометрге жуук жардыруу иштери жүргүзүлүп, 8 чакырым тоолуу аймак тазаланды. Темир жолдун 1 чакырымына 955 миң доллар сарпталды. Салыштыруу үчүн айтсам, чет элдик компаниялар 1 чакырым үчүн 4,8 миллиондон 6,8 миллион долларга чейин сунушташкан. Бул өтө кымбат экенин түшүнүп, "жолду баскан арбытат" деп тобокелчиликке салып, ишти өзүбүз колго алдык”, — деди президент.
Жапаров Түндүк — Түштүк альтернативдик автожолунун курулушун мисалга келтирип, анда 1 чакырымга 2,5 миллион доллар көрсөтүлгөнү менен жол дагы эле толук бүтө электигин жана каражаттын жарымынан көбү уурдалып кеткенин кошумчалады. Темир жол куруу кыйла татаал жана кымбат болгонуна карабай Кыргызстан аны кыйла арзан кура алды.
Президент темир жол тармагындагы өнүгүүлөргө да токтолду:
2025-жылдын жыйынтыгы менен жүк ташуу көлөмү 11 миллион тоннага жетип, 2021-жылга салыштырмалуу 36 пайызга өстү;
2021-жылы 255 миң адам темир жолду колдонсо, 2025-жылы бул көрсөткүч 432 миңге жеткен;
келечекте Кочкор — Кара-Кече — Макмал темир жолу курулат. Бул долбоор өлкөнүн түндүгү менен түштүгүн бирдиктүү темир жол магистралы аркылуу бириктирип, Кара-Кече көмүр кенин өнөр жай борборлору менен байланыштырат;
бул багыт Кытай — Кыргызстан — Өзбекстан эл аралык темир жол коридорунун бир бөлүгүнө айланып, өлкөнү транзиттик хабга айлантат.
Салтанаттын соңунда Садыр Жапаров темир жолдун акыркы бурамасын атайын ачкыч менен өзү бекитип, ачылышты белгиледи. Ошондой эле жергиликтүү тургундар менен баарлашып, койгон максаттардын баары өлкөдөгү туруктуулуктун аркасында гана ишке ашарын белгиледи.
