https://sputnik.kg/20260629/okmot-kyzmat-zhonokoylotot-1102132817.html
Кыргызстандын өкмөтү эки маанилүү кызмат алууну жөнөкөйлөтөт
Кыргызстандын өкмөтү эки маанилүү кызмат алууну жөнөкөйлөтөт
Sputnik Кыргызстан
БИШКЕК, 29-июн. — Sputnik. Министрлер кабинетинин төрагасы Адылбек Касымалиев бюрократияны кыскартууга жана мамлекеттик кызматтарды санариптештирүүгө... 29.06.2026, Sputnik Кыргызстан
2026-06-29T13:45+0600
2026-06-29T13:45+0600
2026-06-29T13:45+0600
кыргызстан
министрлер кабинети
кызмат
жеңилдетүү
пенсия
реформа
санарип
https://sputnik.kg/img/07ea/06/1d/1102131503_0:48:1600:948_1920x0_80_0_0_71a460093ff35431b3dbd0fdc735491c.jpg
БИШКЕК, 29-июн. — Sputnik. Министрлер кабинетинин төрагасы Адылбек Касымалиев бюрократияны кыскартууга жана мамлекеттик кызматтарды санариптештирүүгө багытталган кезектеги реформаларды баштады.Биринчи долбоор кыймылсыз мүлктү күрөөдөн чыгаруу жол-жобосун жөнөкөйлөтүүнү көздөйт. Минкабдан белгилешкендей, бүгүнкү күндө бул операция эң көп жасалган кызматтардын бири болуп саналат жана кыймылсыз мүлк менен болгон бүтүмдөрдү каттоонун дээрлик жарымын түзөт.Бул маселени чечүү үчүн “Түндүк” тиркемесине кыймылсыз мүлктү онлайн режиминде күрөөдөн чыгаруу сервиси киргизилет. Жаңы система кыргызстандыктарга арыздарды аралыктан (онлайн) берүүгө, ал эми банктарга милдеттенмелердин аткарылганын электрондук форматта ырастоого мүмкүндүк берет. Мунун аркасында документтерди тариздөө мөөнөтү эки жумуш күнүнөн 5 саатка чейин кыскарат.Министрлер кабинетинин төрагасы Адылбек Касымалиев реформалардын экинчи артыкчылыктуу багыты катары 16 жаштан 23 жашка чейинки студенттер үчүн багуучусун жоготкондугу боюнча берилүүчү пенсия жана жөлөк пулдарды узартууну автоматташтырууну атады. Азыркы учурда алар окугандыгы тууралуу фактыны жыл сайын өздөрү барып тастыктоого мажбур, ал эми жаңы система ишке киргенден кийин муну “Түндүк” аркылуу автоматтык түрдө жасоого болот.Мамлекеттик органдар Билим берүү жана илим министрлигинин, Соцфонддун жана Эмгек министрлигинин маалыматтык системалары менен интеграцияланган студенттердин бирдиктүү маалымат базасын түзүшөт. Бул 18 миңден ашык студентке социалдык төлөмдөрдү онлайн-режимде 1-2 мүнөттүн ичинде узартууга шарт түзөт.Бул эки демилгени тең ишке ашыруу үчүн 100 күндүк мөөнөт белгиленди.
https://sputnik.kg/20260624/mamkyzmatkerlerge-kompensatsiya-berilet-1102048356.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, министрлер кабинети, кызмат, жеңилдетүү, пенсия, реформа, санарип
кыргызстан, министрлер кабинети, кызмат, жеңилдетүү, пенсия, реформа, санарип
Кыргызстандын өкмөтү эки маанилүү кызмат алууну жөнөкөйлөтөт
БИШКЕК, 29-июн. — Sputnik. Министрлер кабинетинин төрагасы Адылбек Касымалиев бюрократияны кыскартууга жана мамлекеттик кызматтарды санариптештирүүгө багытталган кезектеги реформаларды баштады.
Биринчи долбоор кыймылсыз мүлктү күрөөдөн чыгаруу жол-жобосун жөнөкөйлөтүүнү көздөйт. Минкабдан белгилешкендей, бүгүнкү күндө бул операция эң көп жасалган кызматтардын бири болуп саналат жана кыймылсыз мүлк менен болгон бүтүмдөрдү каттоонун дээрлик жарымын түзөт.
“Жарандар дагы эле ашыкча бюрократияга туш болушууда. Алар документтердин түп нускасын алуу үчүн банктарга өздөрү барууга, мамлекеттик органдарда кезекке турууга жана каттоону бир нече күн күтүүгө мажбур. Финансы институттары менен Кыймылсыз мүлккө болгон укуктардын мамлекеттик реестринин ортосунда түз санариптик маалымат алмашуу жок”, — деди Касымалиев.
Бул маселени чечүү үчүн “Түндүк” тиркемесине кыймылсыз мүлктү онлайн режиминде күрөөдөн чыгаруу сервиси киргизилет. Жаңы система кыргызстандыктарга арыздарды аралыктан (онлайн) берүүгө, ал эми банктарга милдеттенмелердин аткарылганын электрондук форматта ырастоого мүмкүндүк берет. Мунун аркасында документтерди тариздөө мөөнөтү эки жумуш күнүнөн 5 саатка чейин кыскарат.
Министрлер кабинетинин төрагасы Адылбек Касымалиев реформалардын экинчи артыкчылыктуу багыты катары 16 жаштан 23 жашка чейинки студенттер үчүн багуучусун жоготкондугу боюнча берилүүчү пенсия жана жөлөк пулдарды узартууну автоматташтырууну атады. Азыркы учурда алар окугандыгы тууралуу фактыны жыл сайын өздөрү барып тастыктоого мажбур, ал эми жаңы система ишке киргенден кийин муну “Түндүк” аркылуу автоматтык түрдө жасоого болот.
Мамлекеттик органдар Билим берүү жана илим министрлигинин, Соцфонддун жана Эмгек министрлигинин маалыматтык системалары менен интеграцияланган студенттердин бирдиктүү маалымат базасын түзүшөт. Бул 18 миңден ашык студентке социалдык төлөмдөрдү онлайн-режимде 1-2 мүнөттүн ичинде узартууга шарт түзөт.
Бул эки демилгени тең ишке ашыруу үчүн 100 күндүк мөөнөт белгиленди.
