https://sputnik.kg/20260605/kyrgyzstan-shku-tekstil-klaster-tuzuu-sunushtady-1101729297.html
ШКУ ичинде бирдиктүү текстиль кластери түзүлөбү? Кыргызстандын жаңы сунушу
ШКУ ичинде бирдиктүү текстиль кластери түзүлөбү? Кыргызстандын жаңы сунушу
Sputnik Кыргызстан
БИШКЕК, 5-июн. — Sputnik. Кыргызстан Шанхай кызматташтык уюмуна (ШКУ) мүчө мамлекеттердин бирдиктүү текстиль кластерин түзүүнү сунуштады. 05.06.2026, Sputnik Кыргызстан
2026-06-05T15:53+0600
2026-06-05T15:53+0600
2026-06-05T15:53+0600
кыргызстан
чолпон-ата
шку
экономика
жеңил өнөр жайы
бакыт сыдыков
https://sputnik.kg/img/104326/88/1043268850_0:128:2480:1523_1920x0_80_0_0_8bcc6cb8c56221a5814b9b9ee6f7259f.jpg
БИШКЕК, 5-июн. — Sputnik. Кыргызстан Шанхай кызматташтык уюмуна (ШКУ) мүчө мамлекеттердин бирдиктүү текстиль кластерин түзүүнү сунуштады. Демилгени Чолпон-Ата шаарында өткөн ШКУга мүчө өлкөлөрдүн өнөр жай министрлеринин жыйынында экономика жана коммерция министри Бакыт Сыдыков көтөрдү. Ал жеңил жана текстиль өнөр жайы уюмга кирген көпчүлүк өлкөлөрдүн экономикалык өсүшүн камсыздоочу, жаңы жумуш орундарын түзүүчү жана экспорттук потенциалды кеңейтүүчү негизги кыймылдаткыч күч болуп саналарын белгиледи. Анын айтымында, ШКУ өлкөлөрүнүн алдында соода мамилелеринен өнөр жай кызматташтыгына өтүү жана өндүрүштүн толук циклин камтыган туруктуу технологиялык чынжырчаларды калыптандыруу боюнча стратегиялык максат турат. Башкача айтканда, чийки зат базасынан баштап, уюмга кирген мамлекеттердин бренддери менен атаандаштыкка жөндөмдүү даяр товарларды өндүрүү зарыл. Кыргызстан сунуштаган бирдиктүү текстиль кластерин түзүү демилгеси так ушул максатты көздөп, узак мөөнөттүү өнөр жай өнөктөштүгүнүн натыйжалуу платформасына айланмакчы. Келишимдин долбоору төмөнкү төрт негизги багытты камтыйт: Муну менен бирге кыргыз тарап келечекте ШКУ аймагында жип ийрүү, кездеме токуу жана тигүү ишканаларын ачууга багытталган инвестициялык долбоорлордун тизмесин даярдай турган биргелешкен жумушчу топ түзүү демилгесин ортого салды.
https://sputnik.kg/20260605/shku-kiberkylmyshtarga-kuroshtu-kuchotot-1101723138.html
чолпон-ата
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, чолпон-ата, шку, экономика, жеңил өнөр жайы, бакыт сыдыков
кыргызстан, чолпон-ата, шку, экономика, жеңил өнөр жайы, бакыт сыдыков
БИШКЕК, 5-июн. — Sputnik. Кыргызстан Шанхай кызматташтык уюмуна (ШКУ) мүчө мамлекеттердин бирдиктүү текстиль кластерин түзүүнү сунуштады.
Демилгени Чолпон-Ата шаарында өткөн ШКУга мүчө өлкөлөрдүн өнөр жай министрлеринин жыйынында экономика жана коммерция министри Бакыт Сыдыков көтөрдү. Ал жеңил жана текстиль өнөр жайы уюмга кирген көпчүлүк өлкөлөрдүн экономикалык өсүшүн камсыздоочу, жаңы жумуш орундарын түзүүчү жана экспорттук потенциалды кеңейтүүчү негизги кыймылдаткыч күч болуп саналарын белгиледи.
"Дүйнөлүк чакырыктар менен эл аралык атаандаштык кызматташтыкты жаңы деңгээлге чыгарууну талап кылууда. Азыркы тапта ШКУ алкагындагы мамилелер жөнөкөй чийки зат соодасы менен эле чектелбеши керек. Биз пахта, жүн, жибек өңдүү ресурстарды сыртка экспорттоп, кайра даяр товарларды сатып алуу менен улуттук экономиканын ичинде түзүлө турган кошумча нарктын чоң бөлүгүнөн кол жууп жатабыз", — деди министр.
Анын айтымында, ШКУ өлкөлөрүнүн алдында соода мамилелеринен өнөр жай кызматташтыгына өтүү жана өндүрүштүн толук циклин камтыган туруктуу технологиялык чынжырчаларды калыптандыруу боюнча стратегиялык максат турат. Башкача айтканда, чийки зат базасынан баштап, уюмга кирген мамлекеттердин бренддери менен атаандаштыкка жөндөмдүү даяр товарларды өндүрүү зарыл.
Кыргызстан сунуштаган бирдиктүү текстиль кластерин түзүү демилгеси так ушул максатты көздөп, узак мөөнөттүү өнөр жай өнөктөштүгүнүн натыйжалуу платформасына айланмакчы.
Келишимдин долбоору төмөнкү төрт негизги багытты камтыйт:
регионалдык өнөктөштүктү жана өндүрүштүк кызматташтыкты илгерилетүү;
бөгөттөрдү жоюу жана соода базарларына кирүү мүмкүнчүлүктөрүн арттыруу;
технологияларды жаңылоо жана логистикалык инфратүзүмдү жакшыртуу;
товарларды санариптик көзөмөлдөө жана ички рынокту коргоо.
Муну менен бирге кыргыз тарап келечекте ШКУ аймагында жип ийрүү, кездеме токуу жана тигүү ишканаларын ачууга багытталган инвестициялык долбоорлордун тизмесин даярдай турган биргелешкен жумушчу топ түзүү демилгесин ортого салды.
