https://sputnik.kg/20250610/los-anzheleste-politsiya-mitingchilerdi-tandap-karmoodo-1094525140.html
Лос-Анжелес: полиция митингчилерди тандап кармап жатат. Чырдын төркүнү
Лос-Анжелес: полиция митингчилерди тандап кармап жатат. Чырдын төркүнү
Sputnik Кыргызстан
БИШКЕК, 10-июн. — Sputnik. Лос-Анжелестин полициясы нааразы болуп көчөгө чыккандарды тандап кармап, желим ок менен атып жатканын РИА Новостинин кабарчысы... 10.06.2025, Sputnik Кыргызстан
2025-06-10T10:27+0600
2025-06-10T10:27+0600
2025-06-10T10:28+0600
дүйнөдө
акш
калифорния
лос-анжелес
дональд трамп
митинг
полиция
кармоо
ок-дары
гэвин ньюсом
https://sputnik.kg/img/07e9/06/0a/1094524972_0:0:2464:1387_1920x0_80_0_0_bcd2a02975f8947ec534a534bb5dcfcc.jpg
БИШКЕК, 10-июн. — Sputnik. Лос-Анжелестин полициясы нааразы болуп көчөгө чыккандарды тандап кармап, желим ок менен атып жатканын РИА Новостинин кабарчысы билдирди. Митингчилерди муниципалдык имараттан кулак тундурган граната жана желим октор менен кууган полиция тополоңчуларды улам кысмакка алууну уланткан. Желим таяк жана куралчан тартип сакчылардын артынан башка кесиптештери кол кишен менен чыгып жатышат. Аларды митингчилерге кийгизип, кармап кетишүүдө. Муну менен катар эле желим октордун атылышы улам арбып жатканы айтылды. Калифорниядагы нааразылык Лос-Анжелестеги мыйзамсыз мигранттарга карата жүргүзүлгөн рейдден кийин 7-июнда башаламандык жаралган. Тагыраагы, АКШнын Иммиграция жана бажы полициясынын (ICE) Лос-Анжелестин борборунда мыйзамсыз жүргөн чет элдиктерди табуу боюнча иш-чаралары нааразылыкка чыккандар менен кагылышууга алып келген. Полиция көздөн жаш агызуучу газ менен кулак тундурган гранаталарды колдонгон. Шаарга Улуттук гвардиянын аскерлери жөнөтүлгөн. Учурда ал жакта 300гө чукул аскер жүрөт. Бийлик дагы жарым миңге чукул деңиз аскерлерин жөнөтүүгө ниеттенип жатат. Ал эми Ак үйдүн маалымат катчысы Каролин Левитт Лос-Анжелеске Улуттук гвардиянын эки миң аскерин жөнөтүү пландалып жатканын жарыялаган. Бул президент абалды жөнгө салуу үчүн Улуттук гвардиянын жоокерлеринин күчүн штаттын макулдугусуз пайдаланган акыркы 10 жылдан берки биринчи окуя экени айтылууда. Мындан кийин Калифорния штатынын губернатору Гэвин Ньюсом АКШнын президенти Дональд Трампты сотко берем деген билдирүү жасаган. Лос-Анжелестин мэри Карен Басс бул чечимди кылмышка түртүү деп атады. Калифорнияда бул мезгилге карата 80 киши кармалган. Өткөн ишембиде Калифорниянын губернатору Вашингтондон болуучу федералдык каржылоонун олуттуу кыскартууларына тил кайрып, ага жооп иретинде штат федералдык салыктарды төлөөдөн баш тартышы мүмкүн экендигин эскертти. Калифорния Демократиялык партияны колдогон штат деп эсептелип келет. Трамп бул аймакты бир нече жолу сынга алган. Өткөн айда ал трансгендер спортчунун мелдештерге катышуусуна байланыштуу штаттын каржылоосун кыскартууну айтып, опузалаган. Буга чейин администрация 126,4 миллион долларлык селди алдын алуу долбоорлорун токтоткон жана Калифорния бийлигинин токой өрттөрүнө каршы иштеринин майнаптуу болбогонун сынга алган. Трамп менен Калифорния губернатору Ньюсом соңку жылдарда бири-бирин ачык эле айыптап келишет. Белгилей кетсек, 39 миллион киши жашаган Калифорния АКШнын эң бай жана калкы көп штаты болуп эсептелинет.
https://sputnik.kg/20250608/akshda-los-anzheleske-migranttardan-ulam-askerler-zhiberilishi-mumkun-1094488670.html
акш
калифорния
лос-анжелес
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, акш, калифорния, лос-анжелес, дональд трамп, митинг, полиция, кармоо, ок-дары, гэвин ньюсом
дүйнөдө, акш, калифорния, лос-анжелес, дональд трамп, митинг, полиция, кармоо, ок-дары, гэвин ньюсом
БИШКЕК, 10-июн. — Sputnik. Лос-Анжелестин полициясы нааразы болуп көчөгө чыккандарды тандап кармап, желим ок менен атып жатканын
РИА Новостинин кабарчысы билдирди.
Митингчилерди муниципалдык имараттан кулак тундурган граната жана желим октор менен кууган полиция тополоңчуларды улам кысмакка алууну уланткан.
Желим таяк жана куралчан тартип сакчылардын артынан башка кесиптештери кол кишен менен чыгып жатышат. Аларды митингчилерге кийгизип, кармап кетишүүдө. Муну менен катар эле желим октордун атылышы улам арбып жатканы айтылды.
Калифорниядагы нааразылык
Лос-Анжелестеги мыйзамсыз мигранттарга карата жүргүзүлгөн рейдден кийин 7-июнда башаламандык жаралган. Тагыраагы, АКШнын Иммиграция жана бажы полициясынын (ICE) Лос-Анжелестин борборунда мыйзамсыз жүргөн чет элдиктерди табуу боюнча иш-чаралары нааразылыкка чыккандар менен кагылышууга алып келген. Полиция көздөн жаш агызуучу газ менен кулак тундурган гранаталарды колдонгон.
Шаарга Улуттук гвардиянын аскерлери жөнөтүлгөн. Учурда ал жакта 300гө чукул аскер жүрөт. Бийлик дагы жарым миңге чукул деңиз аскерлерин жөнөтүүгө ниеттенип жатат. Ал эми Ак үйдүн маалымат катчысы Каролин Левитт Лос-Анжелеске Улуттук гвардиянын эки миң аскерин жөнөтүү пландалып жатканын жарыялаган.
Бул президент абалды жөнгө салуу үчүн Улуттук гвардиянын жоокерлеринин күчүн штаттын макулдугусуз пайдаланган акыркы 10 жылдан берки биринчи окуя экени айтылууда.
Мындан кийин Калифорния штатынын губернатору Гэвин Ньюсом АКШнын президенти Дональд Трампты сотко берем деген билдирүү жасаган. Лос-Анжелестин мэри Карен Басс бул чечимди кылмышка түртүү деп атады. Калифорнияда бул мезгилге карата 80 киши кармалган.
Өткөн ишембиде Калифорниянын губернатору Вашингтондон болуучу федералдык каржылоонун олуттуу кыскартууларына тил кайрып, ага жооп иретинде штат федералдык салыктарды төлөөдөн баш тартышы мүмкүн экендигин эскертти.
Калифорния Демократиялык партияны колдогон штат деп эсептелип келет. Трамп бул аймакты бир нече жолу сынга алган. Өткөн айда ал трансгендер спортчунун мелдештерге катышуусуна байланыштуу штаттын каржылоосун кыскартууну айтып, опузалаган. Буга чейин администрация 126,4 миллион долларлык селди алдын алуу долбоорлорун токтоткон жана Калифорния бийлигинин токой өрттөрүнө каршы иштеринин майнаптуу болбогонун сынга алган.
Трамп менен Калифорния губернатору Ньюсом соңку жылдарда бири-бирин ачык эле айыптап келишет.
Белгилей кетсек, 39 миллион киши жашаган Калифорния АКШнын эң бай жана калкы көп штаты болуп эсептелинет.
