Психолог: балага үч жашка чейин телефон карматууга болбойт

"Совет учурунда биз башкача мултфильмдер менен чоңойгонбуз. Алардын тарбиялык мааниси да чоң болчу. Тарбиядан тышкары, убагы менен көрүшчү. Балдар телевизордон мультфильм бериле турган убактысын күтөр эле. Азыр тамак ичсе да телефон кармап отурушат. Ал эмес, ата-энелер да балдары тынч отурсун деп берип коюшат. Психологиялык жактан зыяны тийбеши үчүн балдарга эки жашка чейин телефон көрсөтпөш керек. Анткени адамдын мээсинин эки жарым шары бар, оң тарап жана сол тарап болуп бөлүнөт. Сол жарым шары илимге, изилдөөлөргө болгон максаттарын калыптандырат. Ал эми оң жагы фантазия, чыгармачылыкка багыт берип, жол ачат. Адамда угуу, көрүү, кармоо, сезүү, даам сезүү өңдүү беш туюм иштейт. Ал эми бала телефон менен отурганда анын бүт сезүү органдары телефонго байланып калат. Ошол учурда ал даам да сезбейт, жанындагыларды да көрбөйт, айланасына көңүл бурбайт. Эмне жеп жатканын да билбейт. Ушундан улам оң жана сол жарым шарында өсүп-өнүгүү токтойт. Эгер ушинтип такай телефон көрүп жүрүп отурса, бала 7-8 жашында телефонсуз жашай албай калат. Ата-энелерди деле күнөөлөбөйм, себеби техниканын заманы болуп турат. Бирок балдар менен чогуу отуруп алып пайдалуу видеолорду көргөндү үйрөтүшүбүз керек. Башкача айтканда, жаман менен жакшыны айырмалап, терс каармандарды таанып, зыянды ажыратканды билип калат. Балдар башында интернетти кандай кабыл алса, гаджеттерди да кийин ошол багытта колдонуп баштайт. Пайдубалы ушундай калыптанат", — деди Кубатбекова.