https://sputnik.kg/20250305/sadyr-zhaparov-gehs-ehlektr-ehnergiya-kajryluu-toskoolduk-1092468544.html
Тоскоолдук кылбагыла. Жапаров чакан ГЭСтер курулуп жаткан аймактардагы элге кайрылды
Тоскоолдук кылбагыла. Жапаров чакан ГЭСтер курулуп жаткан аймактардагы элге кайрылды
Sputnik Кыргызстан
БИШКЕК, 5-мар. — Sputnik. Президент Садыр Жапаров социалдык тармактагы баракчасы аркылуу чакан ГЭСтер курулуп жаткан аймактардагы элге кайрылды. 05.03.2025, Sputnik Кыргызстан
2025-03-05T23:44+0600
2025-03-05T23:44+0600
2025-03-06T09:53+0600
кыргызстан
садыр жапаров
чакан гэс
электр энергиясы
тоскоолдук
жергиликтүү эл
кайрылуу
https://sputnik.kg/img/07e8/07/16/1087236261_48:0:3687:2047_1920x0_80_0_0_4edfaf756a7609040775eb1a57a1ddf1.jpg
БИШКЕК, 5-мар. — Sputnik. Президент Садыр Жапаров социалдык тармактагы баракчасы аркылуу чакан ГЭСтер курулуп жаткан аймактардагы элге кайрылды.Ал электр энергиясындагы каатчылыкты жоюу үчүн ГЭСтерди курууда жергиликтүүлөр тараптан бут тосуулар болуп жатканын белгилеген.Президенттин билдирүүсү боюнча, өлкөнүн 142 миллиард кВт саат электр энергиясын иштеп чыгуу мүмкүнчүлүгү болсо, учурда 4 миллиард кВт саат гана электр кубаты иштелип чыгууда.Жапаров электр энергиясын сатып алууга жылына 8,5 миллиард сом кетерин белгилеген."Ушундай каатчылыкты жоюу үчүн 2021-жылы массалык түрдө чакан жана орто ГЭСтердин курулушун баштаганбыз. Мындан сырткары, Камбар-Ата-1 ГЭСинин курулушу башталып жатат. Ушунун баарын биз импортту жоюп, өзүбүздөн чыккан электр энергиясы менен камсыз бололу, өзүбүздөн ашканын экспортко кетирели деген максатты көздөп жасап жатабыз. Өзүбүз суу башында туруп башка өлкөлөрдөн электр энергиясын сатып алганыбыз уят иш", – деген мамлекет башчы.Президент ар бир жергиликтүү бийлик өкүлү өздөрү тейлеген аймактардагы курулуп жаткан чакан ГЭСтерге максималдуу түрдө жардам берүү тапшырмасын койду. Ал эми жергиликтүү тургундарды курулуш иштерине тоскоол болбоого чакырып, эртең менен эрте суу булгана электе таза суу алып алууну сунуштаган. Президент элди ыңгайсыздыкка үч ай чыдап коюуга үндөгөн.Президент учурда республикада 40 чакан ГЭС иштеп жатканын, 37 чакан ГЭСтин курулушу башталганын эске салган. Быйыл 18и ишке кирет. Мындан тышкары, күндүн нурунан жана шамалдан электр энергиясын ала турган станциялардын курулушу башталып жатканын кошумчалаган.
https://sputnik.kg/20250220/sadyr-zhaparov-zher-kodeksi-zhoop-1092186120.html
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, садыр жапаров, чакан гэс, электр энергиясы, тоскоолдук, жергиликтүү эл, кайрылуу
кыргызстан, садыр жапаров, чакан гэс, электр энергиясы, тоскоолдук, жергиликтүү эл, кайрылуу
БИШКЕК, 5-мар. — Sputnik. Президент Садыр Жапаров социалдык тармактагы баракчасы аркылуу чакан ГЭСтер курулуп жаткан аймактардагы элге кайрылды.
Ал электр энергиясындагы каатчылыкты жоюу үчүн ГЭСтерди курууда жергиликтүүлөр тараптан бут тосуулар болуп жатканын белгилеген.
Президенттин билдирүүсү боюнча, өлкөнүн 142 миллиард кВт саат электр энергиясын иштеп чыгуу мүмкүнчүлүгү болсо, учурда 4 миллиард кВт саат гана электр кубаты иштелип чыгууда.
"Мүмкүнчүлүгүбүздүн 10 пайызын гана колдонуп келебиз. Сууларыбыз жөн эле агып кетип жатат. Өлкө боюнча массалык түрдө чакан ГЭСтер курулуп жаткан аймактарда жергиликтүү калк "суубузду кирдетип жатасыңар" деп жол тосуп, курулушчуларга тоскоолдуктарды жараткан учурлар катталды. Суу башында туруп 3 миллиард кВт/с электр энергияны импорттогон мамлекетпиз. Импорттолгон электр энергиянын баасы 1 кВт/саатына 3 сом 50 тыйынды түзөт", – деген Жапаров.
Жапаров электр энергиясын сатып алууга жылына 8,5 миллиард сом кетерин белгилеген.
"Ушундай каатчылыкты жоюу үчүн 2021-жылы массалык түрдө чакан жана орто ГЭСтердин курулушун баштаганбыз. Мындан сырткары, Камбар-Ата-1 ГЭСинин курулушу башталып жатат. Ушунун баарын биз импортту жоюп, өзүбүздөн чыккан электр энергиясы менен камсыз бололу, өзүбүздөн ашканын экспортко кетирели деген максатты көздөп жасап жатабыз. Өзүбүз суу башында туруп башка өлкөлөрдөн электр энергиясын сатып алганыбыз уят иш", – деген мамлекет башчы.
Президент ар бир жергиликтүү бийлик өкүлү өздөрү тейлеген аймактардагы курулуп жаткан чакан ГЭСтерге максималдуу түрдө жардам берүү тапшырмасын койду. Ал эми жергиликтүү тургундарды курулуш иштерине тоскоол болбоого чакырып, эртең менен эрте суу булгана электе таза суу алып алууну сунуштаган. Президент элди ыңгайсыздыкка үч ай чыдап коюуга үндөгөн.
Президент учурда республикада 40 чакан ГЭС иштеп жатканын, 37 чакан ГЭСтин курулушу башталганын эске салган. Быйыл 18и ишке кирет. Мындан тышкары, күндүн нурунан жана шамалдан электр энергиясын ала турган станциялардын курулушу башталып жатканын кошумчалаган.
20 Бирдин айы 2025, 18:45
