https://sputnik.kg/20241103/orban-briks-olkoloru-dujnoluk-ehkonomika-rolu-1089947971.html
Орбан БРИКС өлкөлөрүнүн дүйнөлүк экономикадагы ролуна баа берди
Орбан БРИКС өлкөлөрүнүн дүйнөлүк экономикадагы ролуна баа берди
Sputnik Кыргызстан
Батыш өлкөлөрү дагы саммитке чогулууну пландап жатканы айтылды. 03.11.2024, Sputnik Кыргызстан
2024-11-03T18:12+0600
2024-11-03T18:12+0600
2024-11-04T01:19+0600
дүйнөдө
брикс
европа
казань
саммит
экономика
виктор орбан
https://sputnik.kg/img/07e7/0c/16/1081441560_187:0:2884:1517_1920x0_80_0_0_1c479e81413bbd52b111b24856ffac11.jpg
БИШКЕК, 3-ноя. — Sputnik. БРИКС өлкөлөрүнүн саммити мындан 20 жыл мурун өтсө анча маанилүү окуя болмок эмес, азыр бул өлкөлөрдүн дүйнөлүк экономикадагы үлүшү Батыш мамлекеттериникинен ашып жатат. Бул тууралуу Венгриянын премьер-министри Виктор Орбан билдиргенин РИА Новости жазды. Венгриянын премьер-министри 7-ноябрда "Батыш дүйнөсүнүн саммити", тагыраагы, европалык саясий коомчулуктун жыйыны өтө турганын билдирди. Ал иш-чараны "Венгриянын тарыхындагы эң ири дипломатиялык окуя" деп атады. Анткени Будапештке 40тан ашык өлкөнүн лидерлери, анын ичинде Европа биримдигине кирген өлкөлөрдөн тышкары Түркия, Улуу Британия, Кавказ жана Батыш Балкан мамлекеттери келет.Орбандын айтымында, саммитте Европа атаандаштыгынын төмөндөөсү, кырдаалды жөнгө салуунун мүмкүнчүлүктөрү талкууланат. Ошондой эле АКШдагы шайлоонун жыйынтыгы боюнча дүйнөдөгү геосаясий өзгөрүүлөрдү сүйлөшүшөт.БРИКС — 2006-жылы түзүлгөн мамлекеттер аралык бирикме. Россия 2024-жылдын 1-январынан баштап БРИКСке төрагалыкты алган. Быйыл уюмга жаңы мүчөлөр кирди. Эми аталган уюмга Россия, Бразилия, Индия, Кытай жана Түштүк Африкадан тышкары Египет, Эфиопия, Иран, БАЭ жана Сауд Арабия кирет. Россиянын БРИКСке төрагалыгы адилеттүү глобалдык өнүгүү жана коопсуздук үчүн көп тараптуулукту бекемдөө урааны менен өтүүдө. Казанда БРИКСтин саммити 22-октябрдан 24-октябрга чейин созулду.Европалык саясий коомчулуктун концепциясы Франциянын президенти Эммануэль Макронго таандык, ал 2022-жылдын майында түзүлгөн. Коомчулукка Европа биримдигине мүчө 27 өлкө, Батыш Балкан өлкөлөрү, Норвегия, Швейцария, Исландия, Лихтенштейн, Улуу Британия, Украина, Молдова, Грузия, Түркия, Армения жана Азербайжан кирет. Макрон Европага геосаясат, энергетика, инфраструктура жана транспорт сыяктуу тармактарда кызматташтыкты өнүктүрүү үчүн структура керек экенин белгилеген.
https://sputnik.kg/20241101/rossiya-briks-belarus-minsk-konferentsiya-1089918471.html
европа
казань
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, брикс, европа, казань, саммит, экономика, виктор орбан
дүйнөдө, брикс, европа, казань, саммит, экономика, виктор орбан
Орбан БРИКС өлкөлөрүнүн дүйнөлүк экономикадагы ролуна баа берди
18:12 03.11.2024 (Жаңыртылды: 01:19 04.11.2024) Батыш өлкөлөрү дагы саммитке чогулууну пландап жатканы айтылды.
БИШКЕК, 3-ноя. — Sputnik. БРИКС өлкөлөрүнүн саммити мындан 20 жыл мурун өтсө анча маанилүү окуя болмок эмес, азыр бул өлкөлөрдүн дүйнөлүк экономикадагы үлүшү Батыш мамлекеттериникинен ашып жатат. Бул тууралуу Венгриянын премьер-министри Виктор Орбан билдиргенин
РИА Новости жазды.
"Өткөн жумада Казань шаарында БРИКС — Чыгыш дүйнөсүнүн саммити өттү. Буга чейин курамында Кытай, Россия, Бразилия, Индия жана Түштүк Африка болсо, эми кеңейип саны 10дон ашып, бардыгы Казань шаарында чогулушту. 20 жыл мурда саммит маанилүү окуя болмок эмес, азыр бул өлкөлөрдүн дүйнөлүк экономикалык көрсөткүчүнүн үлүшү Батыш экономикасынан чоң", — деген Орбан.
Венгриянын премьер-министри 7-ноябрда "Батыш дүйнөсүнүн саммити", тагыраагы, европалык саясий коомчулуктун жыйыны өтө турганын билдирди. Ал иш-чараны "Венгриянын тарыхындагы эң ири дипломатиялык окуя" деп атады. Анткени Будапештке 40тан ашык өлкөнүн лидерлери, анын ичинде Европа биримдигине кирген өлкөлөрдөн тышкары Түркия, Улуу Британия, Кавказ жана Батыш Балкан мамлекеттери келет.
Орбандын айтымында, саммитте Европа атаандаштыгынын төмөндөөсү, кырдаалды жөнгө салуунун мүмкүнчүлүктөрү талкууланат. Ошондой эле АКШдагы шайлоонун жыйынтыгы боюнча дүйнөдөгү геосаясий өзгөрүүлөрдү сүйлөшүшөт.
БРИКС — 2006-жылы түзүлгөн мамлекеттер аралык бирикме. Россия 2024-жылдын 1-январынан баштап БРИКСке төрагалыкты алган. Быйыл уюмга жаңы мүчөлөр кирди. Эми аталган уюмга Россия, Бразилия, Индия, Кытай жана Түштүк Африкадан тышкары Египет, Эфиопия, Иран, БАЭ жана Сауд Арабия кирет. Россиянын БРИКСке төрагалыгы адилеттүү глобалдык өнүгүү жана коопсуздук үчүн көп тараптуулукту бекемдөө урааны менен өтүүдө. Казанда БРИКСтин саммити 22-октябрдан 24-октябрга чейин созулду.
Европалык саясий коомчулуктун концепциясы Франциянын президенти Эммануэль Макронго таандык, ал 2022-жылдын майында түзүлгөн. Коомчулукка Европа биримдигине мүчө 27 өлкө, Батыш Балкан өлкөлөрү, Норвегия, Швейцария, Исландия, Лихтенштейн, Улуу Британия, Украина, Молдова, Грузия, Түркия, Армения жана Азербайжан кирет. Макрон Европага геосаясат, энергетика, инфраструктура жана транспорт сыяктуу тармактарда кызматташтыкты өнүктүрүү үчүн структура керек экенин белгилеген.
