https://sputnik.kg/20240911/kyrgyzstanda-zhkkunun-mashyguusu-kanday-ottu-1088622003.html
Кыргызстанда ЖККУнун машыгуусу кандай өттү. Видео
Кыргызстанда ЖККУнун машыгуусу кандай өттү. Видео
Sputnik Кыргызстан
Балыкчыдагы 8-гвардиялык мотоаткычтар дивизиясынын окуу-машыгуу полигонунда ЖККУнун "Өз ара аракеттенүү-2024", "Издөө-2024" жана "Эшелон-2024" машыгуулары... 11.09.2024, Sputnik Кыргызстан
2024-09-11T18:44+0600
2024-09-11T18:44+0600
2024-09-11T18:44+0600
кыргызстан
жкку
казакстан
тажикстан
беларусь
аскердик машыгуу
балыкчы
руслан мукамбетов
https://sputnik.kg/img/07e8/09/0b/1088624202_0:0:1280:720_1920x0_80_0_0_20455ade529f134bc91ca54155631345.jpg
Машыгуунун активдүү фазасына жана жабылыш аземине Кыргызстандын Куралдуу күчтөрүнүн Башкы штабынын башчысы — коргоо министринин биринчи орун басары, генерал-майор Руслан Мукамбетов, ЖККУнун башкы катчысы Имангали Тасмагамбетов, ЖККУнун Бириккен штабынын башчысы Андрей Сердюков катышты. Ал жерде ЖККУнун Парламенттик Ассамблеясынын кеңешине караштуу ЖККУга мүчө мамлекеттердин парламенттеринин коргоо жана коопсуздук боюнча комитеттеринин төрагаларынын Координациялык кеңешмесинин делегациясы, аскердик-дипломатиялык корпустун өкүлдөрү да болду.Бул аскердик иш-чарага 1 500 жоокер катышып, 200 согуштук техника, анын ичинен 10 авиациялык техника жана 10 кеме колдонулду.Машыгуунун сценарийи боюнча, шарттуу душман чек арадагы аймактын бир бөлүгүнө көзөмөл орнотуп, бир катар калктуу пунктуларды басып алган. Кыска мөөнөттө ЖККУга мүчө мамлекеттердин аскердик контингенттери шарттуу аймакка көчүрүлдү. ЖККУнун ыкчам жооп кайтаруу жамааттык күчтөрүнүн милдети Борбордук Азия регионунда куралдуу жаңжалды чечүү боюнча биргелешкен операцияларды жүргүзүү болду.Кыргызстандын ӨКМ жана ИИМинин бөлүмдөрү согуш жүрүп жаткан райондордон жергиликтүү калкты көчүрүү жана убактылуу жашоочу жайларга көчүрүү иштери кандай жасаларын көрсөтүштү.Согушкерлерди даярдоонун базалык аймактарын жана алардын жүрүү маршруттарын табуу үчүн чалгындоо иштери РФтин Куралдуу күчтөрүнүн "Суперкам" пилотсуз учуучу аппаратынын жардамы менен жүргүзүлдү. "Орион" дрону менен ракеталык сокку жана Казакстандын Куралдуу күчтөрүнүн Су-30 учактары менен душмандын негизги күчтөрүнө абадан сокку урулду.Буталардын кулашын көзөмөлдөөнү россиялык "Суперкам" дрону аткарган.Кыргызстан, Беларусь, Казакстан, Россия, Тажикстандын Куралдуу күчтөрүнүн роталык-тактикалык топтору Казакстандын МИ-17 жана Кыргызстандын Ми-8 МТВ тик учактары абадан колдоо көрсөтүп, калктуу конуштарга жакындоодо шарттуу душмандын күчтөрүн аткылап жок кылды. Кыргызстан менен Россиянын аскердик авиациясынын тик учактарынан тактикалык аба десантынын конушу – ыкчам жооп кайтаруу жамааттык күчтөрүнүн роталык-тактикалык топторуна калктуу конуштарды "согушкерлердин" басып алышына жол бербөө үчүн пайдалуу чекти ээлөөгө мүмкүндүк берди.Тактикалык аба десантын Беларусь, Казакстан, Кыргызстан, Россия жана Тажикстандын спецназдары аткарды. Десантчылардын аракетин Кыргызстандын Д-30 жана МСТА-Б артиллериялык батареялары коштоду. Душмандын калктуу конушка жакындашына жол бербөө максатында Ан-26 аскердик-транспорттук учагынан парашют менен Кыргызстандын Куралдуу күчтөрүнүн атайын багыттагы тобунун курамында тактикалык аба десанты конду. Ал эми "Илбирс" атайын багыттагы тобу жана Кыргызстан, Беларустун Ички иштер министрликтеринин атайын багыттагы топтору калктуу конуштарды тазалоо иштерин жүргүзүштү.ЖККУ бөлүмдөрүнүн активдүү жана координацияланган иш-аракеттеринин аркасында душман жок кылынып, мамлекеттик чек ара калыбына келтирилди.Башкы штабдын жетекчиси Руслан Мукамбетов кыйын кырдаалды жөнгө салууну машыгуунун катышуучулары күчтү жана каражаттарды колдонуп эң сонун иштеп, көрсөтүп бергенин белгиледи. Жамааттык күчтөрдүн жогорку согуштук даярдыкка келип, куралдуу чатакты биргелешип жоюуну мыкты иштеп чыкканын айтты.Анын айтымында, ЖККУнун аскерлери согуш талаасындагы тажрыйбасын арттырып, аны менен кошо эле тагылган милдетти аткаруудагы майтарылбас эркин, чечкиндүүлүгүн көрсөттү."Машыгуунун жыйынтыгын чыгарып жатып ЖККУнун дайым даяр болуп турган компоненти болуп турган ыкчам жооп кайтаруу жамааттык күчтөрү ЖККУга кирген Борбор Азия мамлекеттериндеги туруктуулук менен коопсуздуктун кепили катары калыптангандыгын белгиледи. Кыргызстан жалпысынан алганда мындан ары да ЖККУнун согуштук мүмкүнчүлүктөрүн аймакта, жалпы дүйнөдө бекемдөөгө өзүнүн салымын кошуу ниетинде", — деди Мукамбетов.
казакстан
тажикстан
беларусь
балыкчы
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, жкку, казакстан, тажикстан, беларусь, аскердик машыгуу, балыкчы, руслан мукамбетов, видео
кыргызстан, жкку, казакстан, тажикстан, беларусь, аскердик машыгуу, балыкчы, руслан мукамбетов, видео
Кыргызстанда ЖККУнун машыгуусу кандай өттү. Видео
Балыкчыдагы 8-гвардиялык мотоаткычтар дивизиясынын окуу-машыгуу полигонунда ЖККУнун "Өз ара аракеттенүү-2024", "Издөө-2024" жана "Эшелон-2024" машыгуулары болду.
Машыгуунун активдүү фазасына жана жабылыш аземине Кыргызстандын Куралдуу күчтөрүнүн Башкы штабынын башчысы — коргоо министринин биринчи орун басары, генерал-майор Руслан Мукамбетов, ЖККУнун башкы катчысы Имангали Тасмагамбетов, ЖККУнун Бириккен штабынын башчысы Андрей Сердюков катышты. Ал жерде ЖККУнун Парламенттик Ассамблеясынын кеңешине караштуу ЖККУга мүчө мамлекеттердин парламенттеринин коргоо жана коопсуздук боюнча комитеттеринин төрагаларынын Координациялык кеңешмесинин делегациясы, аскердик-дипломатиялык корпустун өкүлдөрү да болду.
Бул аскердик иш-чарага 1 500 жоокер катышып, 200 согуштук техника, анын ичинен 10 авиациялык техника жана 10 кеме колдонулду.
Машыгуунун сценарийи боюнча, шарттуу душман чек арадагы аймактын бир бөлүгүнө көзөмөл орнотуп, бир катар калктуу пунктуларды басып алган. Кыска мөөнөттө ЖККУга мүчө мамлекеттердин аскердик контингенттери шарттуу аймакка көчүрүлдү. ЖККУнун ыкчам жооп кайтаруу жамааттык күчтөрүнүн милдети Борбордук Азия регионунда куралдуу жаңжалды чечүү боюнча биргелешкен операцияларды жүргүзүү болду.
Кыргызстандын ӨКМ жана ИИМинин бөлүмдөрү согуш жүрүп жаткан райондордон жергиликтүү калкты көчүрүү жана убактылуу жашоочу жайларга көчүрүү иштери кандай жасаларын көрсөтүштү.
Согушкерлерди даярдоонун базалык аймактарын жана алардын жүрүү маршруттарын табуу үчүн чалгындоо иштери РФтин Куралдуу күчтөрүнүн "Суперкам" пилотсуз учуучу аппаратынын жардамы менен жүргүзүлдү. "Орион" дрону менен ракеталык сокку жана Казакстандын Куралдуу күчтөрүнүн Су-30 учактары менен душмандын негизги күчтөрүнө абадан сокку урулду.
Буталардын кулашын көзөмөлдөөнү россиялык "Суперкам" дрону аткарган.
Кыргызстан, Беларусь, Казакстан, Россия, Тажикстандын Куралдуу күчтөрүнүн роталык-тактикалык топтору Казакстандын МИ-17 жана Кыргызстандын Ми-8 МТВ тик учактары абадан колдоо көрсөтүп, калктуу конуштарга жакындоодо шарттуу душмандын күчтөрүн аткылап жок кылды. Кыргызстан менен Россиянын аскердик авиациясынын тик учактарынан тактикалык аба десантынын конушу – ыкчам жооп кайтаруу жамааттык күчтөрүнүн роталык-тактикалык топторуна калктуу конуштарды "согушкерлердин" басып алышына жол бербөө үчүн пайдалуу чекти ээлөөгө мүмкүндүк берди.
Тактикалык аба десантын Беларусь, Казакстан, Кыргызстан, Россия жана Тажикстандын спецназдары аткарды. Десантчылардын аракетин Кыргызстандын Д-30 жана МСТА-Б артиллериялык батареялары коштоду. Душмандын калктуу конушка жакындашына жол бербөө максатында Ан-26 аскердик-транспорттук учагынан парашют менен Кыргызстандын Куралдуу күчтөрүнүн атайын багыттагы тобунун курамында тактикалык аба десанты конду. Ал эми "Илбирс" атайын багыттагы тобу жана Кыргызстан, Беларустун Ички иштер министрликтеринин атайын багыттагы топтору калктуу конуштарды тазалоо иштерин жүргүзүштү.
ЖККУ бөлүмдөрүнүн активдүү жана координацияланган иш-аракеттеринин аркасында душман жок кылынып, мамлекеттик чек ара калыбына келтирилди.
Башкы штабдын жетекчиси Руслан Мукамбетов кыйын кырдаалды жөнгө салууну машыгуунун катышуучулары күчтү жана каражаттарды колдонуп эң сонун иштеп, көрсөтүп бергенин белгиледи. Жамааттык күчтөрдүн жогорку согуштук даярдыкка келип, куралдуу чатакты биргелешип жоюуну мыкты иштеп чыкканын айтты.
Анын айтымында, ЖККУнун аскерлери согуш талаасындагы тажрыйбасын арттырып, аны менен кошо эле тагылган милдетти аткаруудагы майтарылбас эркин, чечкиндүүлүгүн көрсөттү.
"Машыгуунун жыйынтыгын чыгарып жатып ЖККУнун дайым даяр болуп турган компоненти болуп турган ыкчам жооп кайтаруу жамааттык күчтөрү ЖККУга кирген Борбор Азия мамлекеттериндеги туруктуулук менен коопсуздуктун кепили катары калыптангандыгын белгиледи. Кыргызстан жалпысынан алганда мындан ары да ЖККУнун согуштук мүмкүнчүлүктөрүн аймакта, жалпы дүйнөдө бекемдөөгө өзүнүн салымын кошуу ниетинде", — деди Мукамбетов.
