https://sputnik.kg/20240621/shairbek-tashiyev-zhalgan-maalymat-kechirim-1086287864.html
УКМК: президентти адаштырган аял Шаирбек Ташиевден кечирим сурады
УКМК: президентти адаштырган аял Шаирбек Ташиевден кечирим сурады
Sputnik Кыргызстан
Өлкө башчынын тапшырмасы менен УКМК иликтөө жүргүзгөн. 21.06.2024, Sputnik Кыргызстан
2024-06-21T15:23+0600
2024-06-21T15:23+0600
2024-06-21T15:23+0600
кыргызстан
ноокат
президент
садыр жапаров
кечирим суроо
шаирбек ташиев
https://sputnik.kg/img/07e6/03/11/1062914309_417:512:2986:1957_1920x0_80_0_0_1f76a068079e8fb775a7140500000511.jpg
БИШКЕК, 21-июн. — Sputnik. Ноокат районунун тургуну президент Садыр Жапаровду жалган маалымат менен адаштырган. Бул тууралуу УКМК билдирди.20-июнда мамлекет башчы Кадамжай районунун Майдан айылында Шамбесай алтын кенин иштетүү боюнча жергиликтүү эл менен жолугушкан. Анда Ош облусундагы Ноокат районунун тургуну Абшыр-Ата эс алуу аймагынын үстүндө алтын кени бар экенин билдирген. Ал ошондой эле кен Жогорку Кеңештин депутаты Шаирбек Ташиевдин жетекчилиги астында мыйзамсыз иштетилип баштаганын айтып, бул маселе боюнча чара көрүүнү суранган.Аталган жаранга текшерилбеген фактыларды айтканы, өзгөчө мамлекет башчынын алдында башка бирөөгө жалаа жапканы үчүн жоопкерчиликтүү экени кабарланган."Аял такталбаган жана жалган маалымат менен президентти адаштыргандыгын моюндап, Жогорку Кеңештин депутатынан жалган маалымат тараткандыгы үчүн кечирим сурады", — деп айтылат маалыматта.УКМК Конституцияда жана эл аралык келишимдерде кепилденген укуктарга жана эркиндиктерге ээ болгон ар бир адам, ошол эле учурда башка адамдардын укуктарын жана эркиндиктерин басмырлаган же кемсинткен аракеттерди жасабашы керектигин эскертет. Ар-намысты жана кадыр-баркты коргоо боюнча доо арыздар коюлганда атайылап жалган маалыматтарды тараткан экинчи тарап кылган аракеттери үчүн материалдык жана моралдык жоопкерчилик тартат.
https://sputnik.kg/20240620/sadyr-zhaparov-batken-shamby-say-ken-1086239178.html
ноокат
Sputnik Кыргызстан
media@sputniknews.com
+74956456601
MIA „Rosiya Segodnya“
2024
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, ноокат, президент, садыр жапаров, кечирим суроо, шаирбек ташиев
кыргызстан, ноокат, президент, садыр жапаров, кечирим суроо, шаирбек ташиев
УКМК: президентти адаштырган аял Шаирбек Ташиевден кечирим сурады
Өлкө башчынын тапшырмасы менен УКМК иликтөө жүргүзгөн.
БИШКЕК, 21-июн. — Sputnik. Ноокат районунун тургуну президент Садыр Жапаровду жалган маалымат менен адаштырган. Бул тууралуу УКМК билдирди.
20-июнда мамлекет башчы Кадамжай районунун Майдан айылында Шамбесай алтын кенин иштетүү боюнча жергиликтүү эл менен жолугушкан. Анда Ош облусундагы Ноокат районунун тургуну Абшыр-Ата эс алуу аймагынын үстүндө алтын кени бар экенин билдирген. Ал ошондой эле кен Жогорку Кеңештин депутаты Шаирбек Ташиевдин жетекчилиги астында мыйзамсыз иштетилип баштаганын айтып, бул маселе боюнча чара көрүүнү суранган.
"Факт боюнча өлкө президентинин тапшырмасы менен УКМК органдары ыкчам иликтөө иштерин жүргүздү. Учурда Ноокат районунун аймагында көмүр, чопо, сланец таштары, гипс жана башка пайдалуу кендер иштетилип жатканы маалым. Анда Абшыр-Ата аймагынан алыс жайгашкан Турук кенинен башка (иштетилбеген, натыйжалуулугу төмөн) алтын кени жок. Сурамжылоо учурунда Шаирбек Ташиев башкарып иштетип жатат делген алтын кени тууралуу маалымат такталбаган жана ушак-айыңдын деңгээлинде экендиги аныкталды. Аял бул маалыматты кимден укканын так кесе айта алган эмес", — деди УКМК.
Аталган жаранга текшерилбеген фактыларды айтканы, өзгөчө мамлекет башчынын алдында башка бирөөгө жалаа жапканы үчүн жоопкерчиликтүү экени кабарланган.
"Аял такталбаган жана жалган маалымат менен президентти адаштыргандыгын моюндап, Жогорку Кеңештин депутатынан жалган маалымат тараткандыгы үчүн кечирим сурады", — деп айтылат маалыматта.
УКМК Конституцияда жана эл аралык келишимдерде кепилденген укуктарга жана эркиндиктерге ээ болгон ар бир адам, ошол эле учурда башка адамдардын укуктарын жана эркиндиктерин басмырлаган же кемсинткен аракеттерди жасабашы керектигин эскертет. Ар-намысты жана кадыр-баркты коргоо боюнча доо арыздар коюлганда атайылап жалган маалыматтарды тараткан экинчи тарап кылган аракеттери үчүн материалдык жана моралдык жоопкерчилик тартат.
