"Социалдык келишим" долбооруна катышкандар кандай бизнес ачканы айтылды
© Sputnik / Виталий Аньков
/ Жазылуу
Долбоор 2022-жылы башталган. Андан бери ага республикалык бюджеттен 3 миллиард сомдон ашык каражат бөлүнгөн.
БИШКЕК, 24-май — Sputnik. Эмгек, социалдык камсыздоо жана миграция министрлиги өлкөдө "Социалдык келишим" долбоорунун катышуучулары кандай бизнестерди ачканын тизмектеди.
Эске салсак, долбоор 2022-жылы башталган. Андан бери ага республикалык бюджеттен 3 миллиард сомдон ашык каражат бөлүнгөн.
"Бул каражатка өлкө боюнча 144 бал челек, жети балык чарбасы, 28 күнөскана, 79 канаттуулар фермасы ачылган. 1 886 тигүү цехи, 36 курулуш материалдарын чыгарган цех, самын чыгарган 24 цех, 17 биожерсемирткич, 46 тамак-аш азыктарын жасаган цех ачылган. Катышуучулардын 295и унаа ташуу менен, 250сү нан жана кондитердик азыктарды бышыруу менен алектеништи. 58 унаа оңдоочу жай, 28 мончо, 48 сулуулук салону, 841 соода түйүнү иштей баштаган", — деп жазылат кабарда.
Долбоордун арты менен 70 миңдей адамдын жашоосу жакшырып, 18 миң жумуш оруну түзүлгөнү кошумчаланды.
