https://sputnik.kg/20240524/aksh-gruziya-boyuncha-viza-chektoosuno-otuugo-kam-urdu-1085428128.html
АКШ Грузияга виза боюнча чектөө салууга кам урду. Вашингтондун соңку кадамы
АКШ Грузияга виза боюнча чектөө салууга кам урду. Вашингтондун соңку кадамы
Sputnik Кыргызстан
Кескин кадамга грузин парламенти чет элдик агенттер боюнча кабыл алган мыйзам себепкер болду. 24.05.2024, Sputnik Кыргызстан
2024-05-24T13:07+0600
2024-05-24T13:07+0600
2024-05-24T13:07+0600
дүйнөдө
грузия
чет элдик агенттер
мыйзам
нааразычылык
акш
парламент
виза
энтони блинкен
https://sputnik.kg/img/07e8/05/18/1085417262_0:0:3081:1734_1920x0_80_0_0_e91853fe3b83c05fad362eb7e7870ebd.jpg
БИШКЕК, 24-май — Sputnik. АКШ чет элдик агенттер боюнча мыйзамдан улам Грузия боюнча визалык чектөөлөрдү койгон саясатты киргизе баштады. Бул туурасында АКШнын мамлекеттик катчысы Энтони Блинкендин айтканын РИА Новости жазды. Эске салсак, мамдепартаменттин башчысы буга чейин Грузиянын мындай кадамына "жооп болоруна" убада берген.Мамкатчы чектөө "жарандык коомду зомбулук же коркутуу менен баскандарга" карата колдонуларын тактап айткан.Грузиянын чет элдик агенттер жөнүндө мыйзамыГрузиянын парламенти 2024-жылдын 14-майында үчүнчү, соңку окууда жетектөөчү "Грузин кыялы" партиясы парламентке киргизген "Чет элдиктердин таасиринин ачыктыгы" мыйзам долбоорун кабыл алган.Документ кирешесинин 20 пайыздан ашыгы чет жактан түшкөн ЖМКларды, коммерциялык эмес юридикалык тараптарды каттоону карайт. Анда "чет элдик таасирдеги агент" термининин ордуна "чет элдик күчтөрдүн кызыкчылыгын көздөгөн" термини колдонулуп, ал эми калган бөлүгүнө өзгөрүү кирген эмес.Мындан улам "чет элдик күчтөрдүн кызыкчылыгын көздөйт" деп эсептелгендердин баары мамлекеттик реестрден өтүүгө милдеттүү болот. Каттоо учурунда алган кирешелерин көрсөтүү жана декларация толтуруу зарыл. Эгер баш тартышса 25 миң ларилик (9,5 миң долларга чукул) айыпка жыгылат.Грузиянын президенти Саломе Зурабишвили аталган мыйзамга вето койгон. Анткен менен бул кадам формалдуу мүнөздө, себеби аны жеңүү үчүн парламентке добуштардын көпчүлүгү керек.Мыйзам долбоорунун процедуралары бул сапар нааразылык митингдери менен коштолду, полиция акцияны кууп таратып, активисттерди кармады. Батыш мамлекеттери Тбилисиге сөөмөй кезей баштады: АКШ эгер документ күчүнө кирсе эки тараптуу мамилени түп-тамырынан карап көрөрүн, ЕБ Грузиянын мүчөлүккө берген арызын тоңдуруп коерун айтты.Документтин оппоненттери аны Россиядагы мыйзамдын дал өзү деп аташкан, анткен менен чет элдик агенттерди каттоо боюнча мыйзам АКШда да көп жылдан бери иштеп келет. Кремлдин өкүлү Дмитрий Песков бул тантырагандык болуп жатканын белгилеп, чет элдик агенттер менен күрөшүү системасын киргизген биринчи өлкө АКШ экенин эскертти. Ал эми Грузия бийлиги мыйзам толугу менен укуктук принциптерге негизделип, тиешелүү ЖМКлар жана бейөкмөт уюмдардын финансысын жыл сайын ачыктоо максатын көздөй турганын айтып келет.
https://sputnik.kg/20240516/tblisidegi-naarazylykka-estoniya-islandiya-litva-timderi-koshuldu-1085165042.html
грузия
акш
Sputnik Кыргызстан
media@sputniknews.com
+74956456601
MIA „Rosiya Segodnya“
2024
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
дүйнөдө, грузия, чет элдик агенттер, мыйзам, нааразычылык, акш, парламент, виза, энтони блинкен
дүйнөдө, грузия, чет элдик агенттер, мыйзам, нааразычылык, акш, парламент, виза, энтони блинкен
АКШ Грузияга виза боюнча чектөө салууга кам урду. Вашингтондун соңку кадамы
Кескин кадамга грузин парламенти чет элдик агенттер боюнча кабыл алган мыйзам себепкер болду.
БИШКЕК, 24-май — Sputnik. АКШ чет элдик агенттер боюнча мыйзамдан улам Грузия боюнча визалык чектөөлөрдү койгон саясатты киргизе баштады. Бул туурасында АКШнын мамлекеттик катчысы Энтони Блинкендин айтканын
РИА Новости жазды.
Эске салсак, мамдепартаменттин башчысы буга чейин Грузиянын мындай кадамына "жооп болоруна"
убада берген.
"Мамдепартамент Грузияга визалык чектөө саясатын киргизет. Ал Грузиядагы демократияны жок кылууга катышы барлар же жоопкер адамдарга, аларды үй-бүлөсүнө карата колдонулат", — деген Блинкен.
Мамкатчы чектөө "жарандык коомду зомбулук же коркутуу менен баскандарга" карата колдонуларын тактап айткан.
Грузиянын чет элдик агенттер жөнүндө мыйзамы
Грузиянын парламенти 2024-жылдын 14-майында үчүнчү, соңку окууда жетектөөчү "Грузин кыялы" партиясы парламентке киргизген "Чет элдиктердин таасиринин ачыктыгы" мыйзам долбоорун кабыл алган.
Документ кирешесинин 20 пайыздан ашыгы чет жактан түшкөн ЖМКларды, коммерциялык эмес юридикалык тараптарды каттоону карайт. Анда "чет элдик таасирдеги агент" термининин ордуна "чет элдик күчтөрдүн кызыкчылыгын көздөгөн" термини колдонулуп, ал эми калган бөлүгүнө өзгөрүү кирген эмес.
Мындан улам "чет элдик күчтөрдүн кызыкчылыгын көздөйт" деп эсептелгендердин баары мамлекеттик реестрден өтүүгө милдеттүү болот. Каттоо учурунда алган кирешелерин көрсөтүү жана декларация толтуруу зарыл. Эгер баш тартышса 25 миң ларилик (9,5 миң долларга чукул) айыпка жыгылат.
Грузиянын президенти Саломе Зурабишвили аталган мыйзамга вето койгон. Анткен менен бул кадам формалдуу мүнөздө, себеби аны жеңүү үчүн парламентке добуштардын көпчүлүгү керек.
Мыйзам долбоорунун процедуралары бул сапар нааразылык митингдери менен коштолду, полиция акцияны кууп таратып, активисттерди кармады. Батыш мамлекеттери Тбилисиге сөөмөй кезей баштады: АКШ эгер документ күчүнө кирсе эки тараптуу мамилени түп-тамырынан карап көрөрүн, ЕБ Грузиянын мүчөлүккө берген арызын тоңдуруп коерун айтты.
Документтин оппоненттери аны Россиядагы мыйзамдын дал өзү деп аташкан, анткен менен чет элдик агенттерди каттоо боюнча мыйзам АКШда да көп жылдан бери иштеп келет. Кремлдин өкүлү Дмитрий Песков бул тантырагандык болуп жатканын белгилеп, чет элдик агенттер менен күрөшүү системасын киргизген биринчи өлкө АКШ экенин эскертти. Ал эми Грузия бийлиги мыйзам толугу менен укуктук принциптерге негизделип, тиешелүү ЖМКлар жана бейөкмөт уюмдардын финансысын жыл сайын ачыктоо максатын көздөй турганын айтып келет.
