Журналист үчүн продюсерлик шык да керек. Радиоэфирдин кандай сырлары бар
15:20 24.04.2024 (Жаңыртылды: 15:58 24.04.2024)
Жазылуу
Радио редактору журналист өзүнүн бир күндүк ишинде продюсерлик кызматты аркалап жатканда эмнелерге көңүл бурушу керектигин тизмектеп берди.
БИШКЕК, 24-апр. — Sputnik. Sputnik Кыргызстан радиосунун алып баруучусу жана редактору Айтурган Сатиева Sputnik Кыргызстандын маалымат борборундагы мастер-класста журналистиканын бардык багытында журналист үчүн продюсерлик шык талап кылынарын белгиледи.
SputnikPro иш-чарасына Кусейин Карасаев атындагы Бишкек гуманитардык университетинин, Ишенаалы Арабаев атындагы мамлекеттик окуу жайдын жана Жусуп Баласагын атындагы улуттук университеттин студенттери катышты. Ошондой эле Ош мамлекеттик университетинин студенттери да онлайн кошулду.
Радиоредактордун айтымында, эфирге келчү спикер убактысын коротуп, жоопкерчилик менен эфирге даярданып, айтор, жетиштүү стресстик абал түзүлөт.
"Спикерди ушул абалдан жеңил чыгарып, сапаттуу продукция даярдаш үчүн журналистке продюсерлик шык талап кылынат. Продюсер — биринчи кезекте интервьюну уюштура турган адам, көпчүлүк учурда журналисттин өзү", — деген Сатиева.
Ал журналист өзүнүн бир күндүк ишинде продюсерлик кызматты аркалап жатканда эмнелерге көңүл бурушу керектигин тизмектеп берди.
телефон менен байланышка чыкканда кичи пейил болуңуз. Айрым учурда спикерге маанайы жок учурда же туура эмес убакытта чалып калышыңыз мүмкүн. Дароо ыңгайлуу учурда байланышарыңызды айтып, ал айтып берчү тема сиз үчүн маанилүү экенин белгилеңиз;
байланышып жаткан учурда белгиленген убакыттан кечикпей, спикерге ыңгайлуу байланыш каражаты менен чыгыңыз. Маселен, жазуу, чалуу, үн билдирмеси;
спикерге дарек, убакыт-саатты, суроолорду алдын ала жибериңиз;
конок менен эфирдин убактысын такташып, анын келери анык болгондон кийин темага жакшылап даярданыңыз;
келген спикерди тосуп алгандан узатканга чейин кичи пейилдигиңизден жазбаңыз. Ал сүрдөп турса же кандайдыр бир өтүнүчтөрү болсо ага ыңгайлашууга далалаттаныңыз;
келген спикерди жылуу-жумшак узатып коюуну унутпаңыз. Анткени сиз бул учурларда өзүңүздүн аброюңуз эле эмес, редакциянын беделине жооптуусуз.
SputnikPro мастер-класстары Армениядан Индияга, Грециядан Кытайга чейинки мамлекеттерде өттү. 2018-жылдын март айынан бери иш-чарага 80 мамлекеттен 10 000 адам катышты.
6 Бештин айы 2023, 20:19
