Стоматолог тишти буза турган төрт адатты атады
© Фото / Unsplash / Diana Polekhina
Жазылуу
Адис тишти жакшы кароо үчүн стоматологго баруу жетиштүү эместигин эскертет.
БИШКЕК, 3-фев. — Sputnik. Тиш жакшы сакталышы үчүн гигиенаны сактап, убагында стоматологго барып туруу жетишсиз. Ал үчүн айрым адаттардан арылуу зарыл. Бул тууралуу стоматолог-пародонтолог Наталья Тюрякова "Известия" басылмасындагы маегинде билдирди.
Дарыгер тишти буза турчу кеңири тараган төрт адатты санап берген:
тамакты бир тарап менен чайноо. Мында тиш менен жаакка күч келип, убакыттын өтүшү менен эмаль жешилип, кариес пайда болот. Ошондой эле тамакты чайнаган учурда тиштер өзүн-өзү тазалап турат, ал эми чайнабай калган тиштердин арасында тамак-аш калдыгы калып, тиштин таштары да пайда болот;
тырмакты тиштегилөө. Бул адат психикалык жабыркоо деп эсептелет. Тырмактын астындагы көптөгөн микроорганизм бар, алар алдыңкы тиштерди бузат;
тамактан соң дароо тиш жууганга болбойт. Себеби ооздогу бактериялар азыктануу үчүн кислота чача баштайт. Бул эмалга зыян, ал эми щетка менен жууганда ал дагы кырылып кетет. Адис тамактануудан кеминде жарым саат өткөн соң жууганга болорун эскертет;
тамеки чегүү. Анын курамындагы заттар тиштин эмалын жукартып жиберет. Мындан улам майда жаракалар кетип, кариес пайда болот. Ошондой эле жешилген эмалдан улам тиштер ысык-муздакты көбүрөөк сезип калат.
