https://sputnik.kg/20240128/mal-uuruluk-kylmysh-zhaza-berene-myizam-1082248037.html
Кыргызстанда мал уурулук үчүн жаза күчөтүлдү
Кыргызстанда мал уурулук үчүн жаза күчөтүлдү
Sputnik Кыргызстан
Мыйзамда өзгөчө ири өлчөмдөгү мал уурулук үчүн кылмышкерлер 12 жылга чейин эркинен ажаратылары айтылган. 28.01.2024, Sputnik Кыргызстан
2024-01-28T14:21+0600
2024-01-28T14:21+0600
2024-01-28T14:21+0600
кыргызстан
мал уурулук
мыйзам
жаза
кылмыш
https://sputnik.kg/img/07e6/03/05/1062626086_0:152:3103:1897_1920x0_80_0_0_53d7775c4804e3480178e391f26a91e4.jpg
БИШКЕК, 28-янв. — Sputnik. Кыргызстанда мал уурулук үчүн жаза күчөтүлдү. Кылмыш-жаза кодекси 205-1-беренеси ("Мал уурулук") менен толукталды. Тиешелүү документкен Садыр Жапаров кол койгонун президенттик администрациядан маалымдашты.Бул норма Кылмыш-жаза кодексинин 2021-жылдагы (азыркы) жана 2017-жылдагы редакцияларында жок болчу. Жаза жабырлануучуга келтирилген зыяндын көлөмүнө жараша мүлк уурдоо үчүн аныкталган.Документке ылайык, эми мал уурдагандар 2-6 айга чейин коомдук жумушка тартылат же 20 000ден 50 000 сомго чейин айып төлөйт, же алты айдан эки жылга чейин эркинен ажыратылат.Олуттуу мал уурулук кылгандар эки айдан үч жылга чейин түзөтүү иштерине (кылмышкерди мажбурлап иштетүү жана айлыгынын бир бөлүгүн мамлекеттин эсебине которуу) тартылат. Же ага 100 миңден 200 миң сомго чейин айып салынат, болбосо үч жылдан беш жылга чейин абакка кесилет.Эгерде көп малды кылмыштуу топ турак жайдын, ишкананын, уюмдун, мекеменин короосуна же малканага, мал кармалган тосмого кирип алып чыкса, кылмышкерлердин мүлкү конфискацияланып, андан сырткары, 5 жылдан 8 жылга чейин эркинен ажыратылат.Көп мал уурдалса, кылмыш уюшкан топ менен жасалса күнөөлүүлөрдүн мүлкү конфискацияланып, өздөрү сегиз жылдан 12 жылга чейин абакка кесилет.205-1-беренеде мал деп: майда жандык, бодо мал, жылкы, эшек, качыр, төө, чочко айтылат.Маалыматта кылмыш жоопкерчилигине 14 жаштан баштап тартылары белгиленген.
https://sputnik.kg/20231019/deputat-bekeshev-omurzakov-aytyshty-1079649625.html
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, мал уурулук, мыйзам, жаза, кылмыш
кыргызстан, мал уурулук, мыйзам, жаза, кылмыш
Кыргызстанда мал уурулук үчүн жаза күчөтүлдү
Мыйзамда өзгөчө ири өлчөмдөгү мал уурулук үчүн кылмышкерлер 12 жылга чейин эркинен ажаратылары айтылган.
БИШКЕК, 28-янв. — Sputnik. Кыргызстанда мал уурулук үчүн жаза күчөтүлдү. Кылмыш-жаза кодекси 205-1-беренеси ("Мал уурулук") менен толукталды. Тиешелүү документкен Садыр Жапаров кол койгонун президенттик администрациядан маалымдашты.
Бул норма Кылмыш-жаза кодексинин 2021-жылдагы (азыркы) жана 2017-жылдагы редакцияларында жок болчу. Жаза жабырлануучуга келтирилген зыяндын көлөмүнө жараша мүлк уурдоо үчүн аныкталган.
Документке ылайык, эми мал уурдагандар 2-6 айга чейин коомдук жумушка тартылат же 20 000ден 50 000 сомго чейин айып төлөйт, же алты айдан эки жылга чейин эркинен ажыратылат.
Олуттуу мал уурулук кылгандар эки айдан үч жылга чейин түзөтүү иштерине (кылмышкерди мажбурлап иштетүү жана айлыгынын бир бөлүгүн мамлекеттин эсебине которуу) тартылат. Же ага 100 миңден 200 миң сомго чейин айып салынат, болбосо үч жылдан беш жылга чейин абакка кесилет.
Эгерде көп малды кылмыштуу топ турак жайдын, ишкананын, уюмдун, мекеменин короосуна же малканага, мал кармалган тосмого кирип алып чыкса, кылмышкерлердин мүлкү конфискацияланып, андан сырткары, 5 жылдан 8 жылга чейин эркинен ажыратылат.
Көп мал уурдалса, кылмыш уюшкан топ менен жасалса күнөөлүүлөрдүн мүлкү конфискацияланып, өздөрү сегиз жылдан 12 жылга чейин абакка кесилет.
205-1-беренеде мал деп: майда жандык, бодо мал, жылкы, эшек, качыр, төө, чочко айтылат.
Маалыматта кылмыш жоопкерчилигине 14 жаштан баштап тартылары белгиленген.
19 Тогуздун айы 2023, 13:32
