https://sputnik.kg/20231213/buu-gazada-sogush-otun-toktoosuz-ochuruu-chechimin-kabyl-aldy-1081208759.html
БУУ Газада согуш отун токтоосуз өчүрүү чечимин кабыл алды
БУУ Газада согуш отун токтоосуз өчүрүү чечимин кабыл алды
Sputnik Кыргызстан
Башкы Ассамблея АКШнын ХАМАСтын чабуулдарын айыптаган пунктуну киргизүү сунушуна каршы добуш берген. 13.12.2023, Sputnik Кыргызстан
2023-12-13T13:47+0600
2023-12-13T13:47+0600
2023-12-13T13:47+0600
дүйнөдө
газа тилкеси
израиль
буу
буунун башкы ассамблеясы
резолюция
хамас
https://sputnik.kg/img/07e7/0c/0d/1081208553_0:74:3072:1802_1920x0_80_0_0_aad24410c57eb3b9fd29171173b5a619.jpg
БИШКЕК, 13-дек. — Sputnik. Бириккен Улуттар Уюмунун (БУУ) Башкы Ассамблеясы Израиль менен ХАМАСтын Газадагы согуш отун токтоосуз өчүрүүсү жана туткундарды эч кандай шарт-талапсыз бошотуу боюнча резолюция кабыл алды. Бул туурасында РИА Новости жазды. Документке 153 мамлекет кол койгон. АКШ, Израиль, Австрия жана Чехияны кошкондо 10 мамлекет каршы чыккан. Украина, Улуу Британия, Германия, Италия, Аргентина жана Грузия калыс деген позицияны карманган. Башкы Ассамблея АКШнын ХАМАСтын чабуулдарын айыптаган пунктуну киргизүү сунушуна каршы добуш берген.Газа секторундагы Палестинанын жай жарандарынын оор абалына тиешелүү резолюцияны Египет (БУУдагы Араб тобуна төрагалык кылат) жана Мавритания (Ислам кызматташтык уюму тобунун төрагасы) даярдаган.Авторлор документтин гуманитардык багытта экендигин жана аны саясатташтырууну каалабай тургандыгын белгилешкен.БУУнун Башкы Ассамблеясынын документинде "согушту тез арада гуманитардык жактан токтотууну талап кылат" деп айтылган. Андан сырткары, "бардык туткундарды токтоосуз бошотуу жана гуманитардык жеткиликтүүлүктү камсыздоо" талабы коюлган.Текстте бардык тараптарга гуманитардык эл аралык укук боюнча милдеттенмелерди, тагыраагы, жай тургундарды коргоо милдетин сактоо боюнча да айтылган.Жума күнү ушундай эле резолюцияга БУУнун Коопсуздук кеңешинде тоскоолдук кылышкан. Аталган кеңештин 13 мүчөсү резолюциянын кабыл алынышын колдоп, Улуу Британия калыс пикирин билдирген.БУУнун Коопсуздук кеңешинен айырмаланып, Башкы Ассамблеянын милдеттенме кылып такканга юридикалык күчү жок.Жакынкы Чыгыштагы жаңжалИзраиль менен Палестинанын кырды бычак мамилеси 2023-жылдын 7-октябрынан тарта ХАМАС Израилге сокку урду делгенден тарта курчуп кетти. Мындан кийин анын жоокерлери еврей мамлекетинин түштүк аймактарына кирип барып, кыймылдын аскердик канаты "Аль-Акса топон суусу" операциясын жарыялаган. Жооп иретинде ЦАХАЛ ХАМАСка каршы "Темир кылыч" операциясын баштаган. Израиль чабуул жасалгандан бир нече күн өткөн соң Газа менен чектешкен калктуу конуштарды кайра өз көзөмөлүнө алып, сектордун аймагындагы объектилерге сокку ура баштаган. Мындан тышкары, аймакты толугу менен блокадалап, суу, азык-түлүк, электр кубаты, дары-дармек, отун ташуу токтотулган.Газа тилкесиндеги каза тапкандардын саны соңку маалыматтарда 18 миң кишиге жеткени, 46 миңден ашуун адам ар кандай жаракат алганы айтылды.Ал эми жергиликтүү бийликтин билдиришинче, Израилден 1,2 миң киши көз жумган, 5 миң киши жарадар болгон.Тараптардын аймактык кызыкчылыгы менен байланышкан палестиндер менен израилдиктердин жаңжалы ондогон жылдардан бери аймактагы кагылышуунун себепкери болуп келет. СССРдин кийлигишүүсү менен 1947-жылы БУУ Израиль жана Палестина мамлекеттерин түзүү чечимин кабыл алган. Бирок натыйжада Израиль гана түзүлгөн. Тель-Авив эки өлкө принцибине макул болгону менен палестиналык аймактарды бошотпой келет.
https://sputnik.kg/20231213/nebenzya-gazadagy-azyrky-abal-zhana-akshnyn-kunoosu-tuuraluu-aytty-1081203775.html
газа тилкеси
израиль
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, газа тилкеси, израиль, буу, буунун башкы ассамблеясы, резолюция, хамас
дүйнөдө, газа тилкеси, израиль, буу, буунун башкы ассамблеясы, резолюция, хамас
БУУ Газада согуш отун токтоосуз өчүрүү чечимин кабыл алды
Башкы Ассамблея АКШнын ХАМАСтын чабуулдарын айыптаган пунктуну киргизүү сунушуна каршы добуш берген.
БИШКЕК, 13-дек. — Sputnik. Бириккен Улуттар Уюмунун (БУУ) Башкы Ассамблеясы Израиль менен ХАМАСтын Газадагы согуш отун токтоосуз өчүрүүсү жана туткундарды эч кандай шарт-талапсыз бошотуу боюнча резолюция кабыл алды. Бул туурасында
РИА Новости жазды.
Документке 153 мамлекет кол койгон. АКШ, Израиль, Австрия жана Чехияны кошкондо 10 мамлекет каршы чыккан. Украина, Улуу Британия, Германия, Италия, Аргентина жана Грузия калыс деген позицияны карманган. Башкы Ассамблея АКШнын ХАМАСтын чабуулдарын айыптаган пунктуну киргизүү сунушуна каршы добуш берген.
Газа секторундагы Палестинанын жай жарандарынын оор абалына тиешелүү резолюцияны Египет (БУУдагы Араб тобуна төрагалык кылат) жана Мавритания (Ислам кызматташтык уюму тобунун төрагасы) даярдаган.
Авторлор документтин гуманитардык багытта экендигин жана аны саясатташтырууну каалабай тургандыгын белгилешкен.
БУУнун Башкы Ассамблеясынын документинде "согушту тез арада гуманитардык жактан токтотууну талап кылат" деп айтылган. Андан сырткары, "бардык туткундарды токтоосуз бошотуу жана гуманитардык жеткиликтүүлүктү камсыздоо" талабы коюлган.
Текстте бардык тараптарга гуманитардык эл аралык укук боюнча милдеттенмелерди, тагыраагы, жай тургундарды коргоо милдетин сактоо боюнча да айтылган.
Жума күнү ушундай эле резолюцияга БУУнун Коопсуздук кеңешинде тоскоолдук кылышкан. Аталган кеңештин 13 мүчөсү резолюциянын кабыл алынышын колдоп, Улуу Британия калыс пикирин билдирген.
БУУнун Коопсуздук кеңешинен айырмаланып, Башкы Ассамблеянын милдеттенме кылып такканга юридикалык күчү жок.
Израиль менен Палестинанын кырды бычак мамилеси 2023-жылдын 7-октябрынан тарта ХАМАС Израилге сокку урду делгенден тарта курчуп кетти. Мындан кийин анын жоокерлери еврей мамлекетинин түштүк аймактарына кирип барып, кыймылдын аскердик канаты "Аль-Акса топон суусу" операциясын жарыялаган. Жооп иретинде ЦАХАЛ ХАМАСка каршы "Темир кылыч" операциясын баштаган. Израиль чабуул жасалгандан бир нече күн өткөн соң Газа менен чектешкен калктуу конуштарды кайра өз көзөмөлүнө алып, сектордун аймагындагы объектилерге сокку ура баштаган. Мындан тышкары, аймакты толугу менен блокадалап, суу, азык-түлүк, электр кубаты, дары-дармек, отун ташуу токтотулган.
Газа тилкесиндеги каза тапкандардын саны соңку маалыматтарда 18 миң кишиге жеткени, 46 миңден ашуун адам ар кандай жаракат алганы айтылды.
Ал эми жергиликтүү бийликтин билдиришинче, Израилден 1,2 миң киши көз жумган, 5 миң киши жарадар болгон.
Тараптардын аймактык кызыкчылыгы менен байланышкан палестиндер менен израилдиктердин жаңжалы ондогон жылдардан бери аймактагы кагылышуунун себепкери болуп келет. СССРдин кийлигишүүсү менен 1947-жылы БУУ Израиль жана Палестина мамлекеттерин түзүү чечимин кабыл алган. Бирок натыйжада Израиль гана түзүлгөн. Тель-Авив эки өлкө принцибине макул болгону менен палестиналык аймактарды бошотпой келет.
13 Бештин айы 2023, 12:28
