https://sputnik.kg/20231010/hamas-izraildi-zhok-kyluu-1079279242.html
ХАМАС: "Каршылык огу" альянсынын максаты — Израилди жок кылуу
ХАМАС: "Каршылык огу" альянсынын максаты — Израилди жок кылуу
Sputnik Кыргызстан
"Каршылык огу" — Иранды, Сирияны, Ирактын шиит кошуундарын, ливандык "Хезболланы" жана Йемендеги хуситтердин кыймылын бириктирген альянс. 10.10.2023, Sputnik Кыргызстан
2023-10-10T10:42+0600
2023-10-10T10:42+0600
2023-10-10T10:43+0600
дүйнөдө
израиль
палестина
газа сектору
согуш
кагылышуу
хамас
“хезболлах” кыймылы
туткун
https://sputnik.kg/img/07e7/0a/0a/1079277735_0:160:3072:1888_1920x0_80_0_0_78b69eb22a6b5504b02992da722331c8.jpg
БИШКЕК, 10-окт. — Sputnik. Израиль менен Америкага каршы түзүлгөн "Каршылык огу" ("Ось сопротивления") альянсынын биринчи максаты — Израилди жок кылуу. Бул тууралуу РИА Новости Палестинанын Ливандагы ХАМАС кыймылынын саясий күчтөр жана ЖМКлар менен байланышуу башкармалыгынын башчысы Абдула Мажид Аваддын айткандарын келтирген Financial Times гезитине таянып жазды. "Каршылык огу" — Иранды, Сирияны, Ирактын шиит кошуундарын, ливандык "Хезболланы" жана йемендик хуситтердин кыймылын бириктирген альянс. Уюмдун башкы максаты Жакынкы Чыгыштагы америкалык-израилдик таасирге каршы туруу болуп саналат.ХАМАС өкүлү операция башталгыча ал тууралуу союздаштары билбегенин, бирок Иран да, Ливандагы "Хезболлах" кыймылы да ар бир чабуулга дыкат көз салып турганын белгиледи.Буга чейин ХАМАСтын чет жактагы жетекчилигинин мүчөсү Али Барака Израилдеги операцияга бир жылдан ашуун убакыт бою даярдык көрүлгөнүн билдирген.Эскерте кетсек, Израилге Газа секторунан масштабы боюнча буга чейин болуп көрбөгөндөй чабуул жасалган. ХАМАС жоокерлери ракеталык соккудан кийин өлкөнүн түштүгүнө кирип барган.Палестиналык ХАМАС кыймылынын аскер канаты "Аль-Акса топон суусу" деп аталган операция баштаганын жар салса, Израиль өз операциясын "Темир кылыч" деп атады. Израилдин премьер-министри Биньямин Нетаньяху улутка кайрылып, өлкө узакка созулчу согушка киришкенин, мындан улам мобилизация жүрөрүн билдирген.Haaretz басылмасынын маалыматы боюнча, жаңжалдын кесепетинен Израилдин 900 тургуну каза болду. Палестинанын Саламаттык сактоо министрлигинин акыркы кабарында Газа секторунда көз жумгандардын саны 687ге жеткен."Аль-Кассам" бригадалары (ХАМАСтын аскер канаты) израилдик жоокерлер менен офицерлерди туткундаганын маалымдады. Андан кийин ХАМАС кыймылынын саясий бюросунун мүчөсү Муса Абу-Марзук Израилдин жогорку даражалуу аскер адамдары башында турган 100дөн ашуун жараны туткундалып, Газа секторунда кармалып турганын билдирген.Тараптардын аймактык кызыкчылыгы менен байланышкан палестин-израиль жаңжалы ондогон жылдардан бери региондогу кагылышуунун себепкери болуп келет. СССРдин кийлигишүүсү менен 1947-жылы БУУ Израиль жана Палестина мамлекеттерин түзүү чечимин кабыл алган. Бирок натыйжада Израиль гана түзүлгөн. Тель-Авив эки өлкө принцибине макул болгону менен палестиналык аймактарды бошотпой келет.
https://sputnik.kg/20231010/tel-aviv-tutkundagy-izraildikterge-karabay-khamaska-chabuul-koerun-aytty-1079277975.html
израиль
палестина
газа сектору
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
дүйнөдө, израиль, палестина, газа сектору, согуш, кагылышуу, хамас, “хезболлах” кыймылы, туткун
дүйнөдө, израиль, палестина, газа сектору, согуш, кагылышуу, хамас, “хезболлах” кыймылы, туткун
ХАМАС: "Каршылык огу" альянсынын максаты — Израилди жок кылуу
10:42 10.10.2023 (Жаңыртылды: 10:43 10.10.2023) "Каршылык огу" — Иранды, Сирияны, Ирактын шиит кошуундарын, ливандык "Хезболланы" жана Йемендеги хуситтердин кыймылын бириктирген альянс.
БИШКЕК, 10-окт. — Sputnik. Израиль менен Америкага каршы түзүлгөн "Каршылык огу" ("Ось сопротивления") альянсынын биринчи максаты — Израилди жок кылуу. Бул тууралуу
РИА Новости Палестинанын Ливандагы ХАМАС кыймылынын саясий күчтөр жана ЖМКлар менен байланышуу башкармалыгынын башчысы Абдула Мажид Аваддын айткандарын келтирген Financial Times гезитине таянып жазды.
"Каршылык огу" — Иранды, Сирияны, Ирактын шиит кошуундарын, ливандык "Хезболланы" жана йемендик хуситтердин кыймылын бириктирген альянс. Уюмдун башкы максаты Жакынкы Чыгыштагы америкалык-израилдик таасирге каршы туруу болуп саналат.
"Каршылык огу" Израилди түп-тамырынан жок кылууну көздөйт", — деген Авад.
ХАМАС өкүлү операция башталгыча ал тууралуу союздаштары билбегенин, бирок Иран да, Ливандагы "Хезболлах" кыймылы да ар бир чабуулга дыкат көз салып турганын белгиледи.
Буга чейин ХАМАСтын чет жактагы жетекчилигинин мүчөсү Али Барака Израилдеги операцияга бир жылдан ашуун убакыт бою даярдык көрүлгөнүн билдирген.
Эскерте кетсек, Израилге Газа секторунан масштабы боюнча буга чейин болуп көрбөгөндөй чабуул жасалган. ХАМАС жоокерлери ракеталык соккудан кийин өлкөнүн түштүгүнө кирип барган.
Палестиналык ХАМАС кыймылынын аскер канаты "Аль-Акса топон суусу" деп аталган операция баштаганын жар салса, Израиль өз операциясын "Темир кылыч" деп атады. Израилдин премьер-министри Биньямин Нетаньяху улутка кайрылып, өлкө узакка созулчу согушка киришкенин, мындан улам мобилизация жүрөрүн билдирген.
Haaretz басылмасынын маалыматы боюнча, жаңжалдын кесепетинен Израилдин 900 тургуну каза болду. Палестинанын Саламаттык сактоо министрлигинин акыркы кабарында Газа секторунда көз жумгандардын саны 687ге жеткен.
"Аль-Кассам" бригадалары (ХАМАСтын аскер канаты) израилдик жоокерлер менен офицерлерди туткундаганын маалымдады. Андан кийин ХАМАС кыймылынын саясий бюросунун мүчөсү Муса Абу-Марзук Израилдин жогорку даражалуу аскер адамдары башында турган 100дөн ашуун жараны туткундалып, Газа секторунда кармалып турганын билдирген.
Тараптардын аймактык кызыкчылыгы менен байланышкан палестин-израиль жаңжалы ондогон жылдардан бери региондогу кагылышуунун себепкери болуп келет. СССРдин кийлигишүүсү менен 1947-жылы БУУ Израиль жана Палестина мамлекеттерин түзүү чечимин кабыл алган. Бирок натыйжада Израиль гана түзүлгөн. Тель-Авив эки өлкө принцибине макул болгону менен палестиналык аймактарды бошотпой келет.
10 Тогуздун айы 2023, 10:21
